aMatiyu 14:9 - Izere New Testament

⁹ aHiridus'e daam dide̱ng, amma kamok wu tá tsang a no̱o̱k kuto̱ nasho̱o̱n ánerawe, yong a sak a tu ku no̱o̱k ike̱ng iya wu tá rip.

aMatiyu 14:9 Referans Kwoze

aLuka 13:32

Ayong aYeso fe̱ be ba ye, “Tseng yin, ta se tak yin azen azen'ong ye mi tà turung ítseng ne i sak ánerawe ta te atser katuur be natson, kaniya mi tà gang ike̱ng mi tan sak nasho̱o̱n'i.

aMarkus 6:26

Agwo̱m'me daam dide̱ng, amma kamok wu ta tsang a ya kushu nasho̱o̱n átsen'e, a shim a tu ku roon ne baꞌ.

aMarkus 6:20

Kamok aHiridus fok inyim aYohana, ne a ren ye a nye aner a tá be katsak ne a se zhe̱l. Ayong a tú fek, nizen aHiridus tá fok rife̱ aYohana ne a no̱ nudaam dide̱ng, gip be anong a shim a tá ku fok.

aMarkus 6:14

Ayong aHiridus fok itak'e, kamok riyerek aYeso tsang ri tseng koake̱. Ma ákak fe̱ ye, “aYohana aner abatisma ne a bun an dorok be kutser. Iyong ne i sak kukyem kunye ike̱re̱ azhing ta se be itomong.”

aMatiyu 14:5

aHiridus tsang a shim ke a fe̱r aYohana, amma a ra fok inyim kamok ánerawe sok ye aYohana nye aner kuzarap Adakunom.

aMatiyu 14:1

Nizen iyong, aHiridus tá fok itak aYeso.

aMatiyu 14:8

Ango̱ wu tú ku tak ike̱ng iya a tana fe̱, yong a fe̱ ye, a ra ku no̱o̱k rice aYohana aner abatisma kaye̱e̱r kures.

aMatiyu 14:10

A tom á ta se te̱n rice aYohana'me nitso̱m.