aMatiyu 14:36 - Izere New Testament

³⁶ Ne á ku nye izong ye, a ra shim nong á ta ras kanu kukpiin wu tsek. Áya a tá ras cice̱r te atser.

aMatiyu 14:36 Referans Kwoze

aLuka 6:19

Koangan shim a tú ku ra kamok kukyem wuruk kaye̱e̱r wu, ne a ku sak ba nong á tá te atser cei.

aMarkus 3:10

Kamok a tá sak ánerawe whe̱r tá te atser yong áfe iro̱k whe̱re̱ be̱s bubarak nong á tu ku ras.

Itomong Ámanzo 3:16

Kukyem riyerek aYeso, kamok kuno̱o̱k katsak wu riyerek aYeso ne aner na ti se̱ agap atak wu. Riyerek aYeso ne kuno̱o̱k katsak wu ta be ne ku tú ku no̱o̱k kute atser cice̱r na, kyo̱ndi yin tu ku ye̱re̱k yin.

aYohana 7:23

To̱, ke i nye ye a ta kyem a nye igon izhak katuk Asabar nong a ta kuus Itsi aMusa, akye̱ sak yin be yin riye̱ riwe be mi, kamok mi ta sak ánerawe ta te atser cei katuk Asabar e̱?

aYohana 6:37

Koangan afe Ada tin no̱o̱k, a tà be̱ nunaan. Aner aya afe a ta be̱ nunaan, mi tù ku ro baꞌ.

aMatiyu 23:5

“Ike̱re̱ ba ta nye se nong ánerawe ta di tsek; Á tos alau be rife̱ Adakunom nong á tá rosom na nati ba, ne akpiin ba ras aso̱p ma kaben.

aMatiyu 14:35

Áner kuwo̱p'e tá di aYeso á ren. Iyong á tsang á taas itak'e cei ni iwo̱p ibubarak'e. Ánerawe'me be̱s be áfe iro̱k nufu.

aMarkus 6:56

Koake̱ ne aYeso no̱, ni iwo̱p izhizhe̱k'e be igbang'e ne ife ikim'me, a se̱s áfe iro̱k ánerawe tan meres na naro̱ rizhik. Á tú nye izong ye, a ru ku won ba nong a ta ras kanu kukpiin wu, ne áya a ta ras cice̱r te atser.

aMarkus 8:22

A be̱ na aBatseda, ne áner akak be̱ be akpato̱o̱n ne á nye aYeso akusuk ye, a ra ra aner'e nong a ta te atser.