aMatiyu 14:33 - Izere New Testament

³³ Áya a ta se kaye̱e̱r kukpara ashi'me tú ya iben ne á fe̱ be wu ye, “Katsak'e, wan nye Igon Adakunom.”

aMatiyu 14:33 Referans Kwoze

aYohana 11:27

Ayong aMarta fe̱ be aYeso ye, “Ei, wan nye Agwo̱m Ágwo̱m, mi ti no̱o̱k katsak ye wan ne i nye aKiristi'me, Igon Adakunom, aya a tá fe̱ ye a tà be̱ nazatse.”

aYohana 1:49

Iyong aNataniyel fe̱ ye, “Aner kubo̱so̱p, wan ne i nye Igon Adakunom; wan ne i nye agwo̱m Isarela.”

aRom 1:4

Kabik Kazhe̱l'e tonong kaye̱e̱r kukyem ye wu ne a nye Igon Adakunom kamok a tú ku dorok nure̱k be kutser. Wu ne a nye Agwo̱m Ágwo̱m yir aYeso Kiristi yir.

aMarkus 1:1

Iyuna ne i nye ime̱se̱ng Rife̱ Ritek natoon aYeso Kiristi, Igon Adakunom'me.

aYohana 6:69

Yir ti no̱o̱k yir katsak ne i ren yir ye wan ne i nye Azhe̱l'e afe Adakunom.”

aMatiyu 16:16

Ayong aBitrus fe̱ be wu ye, “Wan ne i nye aKiristi, Igon Adakunom afe kuter.”

aYohana 17:1

Nama aYeso tá fe̱ ike̱re̱ na, ne a sok rice wu naza a tá ye̱re̱k kaza nong a tá nye aduwa ye, “Ada, izen'e n nye. Tiyiik Igon wan, nong wu gip a tà ka tiyiik.

aLuka 4:41

Ítseng gip i wuruk kaye̱e̱r ánerawe whe̱re̱, ne i tasak ye, “Wan nye Igon Adakunom.” Amma a tu tigba ba, ne a ka roon ba kufe̱ kanu, kamok ba ren ye wu ne a nye aKiristi.

aMarkus 15:39

Nizen ako̱k kasho̱o̱n ásozha aya a ta se azong nyeseng a ta di riku'me, yong a fe̱ ye, “Katsak'e, aner na nye Igon Adakunom.”

aMatiyu 28:17

Nizen á tú ku di, á kpas kaben á tu ku ya iben, amma aye̱ ákak ba se gak.

aMatiyu 28:9

Ayong aYeso be rice wu wor nyim be ba, ne a fe̱ be ba ye, “Dazha yin.” Ne ányining'e be̱ bubarak be wu, ne á kpa natak wu nong á tu ku ya iben.

aMatiyu 26:63

Amma aYeso te gbik. Ayong agbang atsi ame bun a fe̱ be wu ye, “Kaye̱e̱r riyerek Adakunom afe kutser, ni tak yir katsak'e, ka wan ne i nye aKiristi'e, Igon Adakunom.”

aYohana 19:7

Amma áner aYahuda yiir'e ding ding ye, “Yir be yir itsi, itsi yir fe̱ ye, a tù ku fe̱r dim, kamok wu sok rice wu ye wu nye Igon Adakunom.”

aLuka 24:52

Iyong á tu ya iben, ne á ku bun na aUshalima be riye̱ rikan dide̱ng.

aMatiyu 27:54

Nizen ako̱k kasho̱o̱n ásozha ne ribir aya a ta se mak be wu ni itor aYeso tá fok kaben ta zuur ne ike̱re̱ cice̱r i tá nye, á fok inyim dide̱ng yong á fe̱ ye, “Katsak'e aner na nye Igon Adakunom.”

aMatiyu 15:25

Abining ame be̱, a tá tigbok akuur nasho̱o̱n aYeso a tá fe̱ ye, “Atekasa, ni se̱ mo.”

aMatiyu 4:3

Ishetan be̱ a tá fe̱ be wu ye, “Ke wan ne i nye Igon Adakunom, to̱, fe̱ be ata na nong á ta te abiredi.”

Itomong Ámanzo 8:36

Kaye̱e̱r kutseng, á be̱ ba naro̱ kakak ashi tú ku se ne aritek ame fe̱ be aFilibus'e ye, “Di ashi na, akye̱ ta roon ku ninye abatisma ame aze e̱?

aLuka 8:28

Nizen iya a tá di aYeso, a tá kuto̱ ne á kpa natak wu, a tá tasak dide̱ng ye, “aYeso, Igon Adakunom Agbang Agwo̱m Ágwo̱m, wan tse̱r akye̱ be mi e̱? Kusuk, tin no̱o̱k risam baꞌ.”

aMarkus 14:61

Amma aYeso sor gbik, a ti sak baꞌ. Ayong ako̱k kasho̱o̱n agbang atsi ame bun a tú ku rip ye, “Iyong wan ne i nye aKiristi Igon Aner Ritek a?”

aMatiyu 27:43

A ti fe̱re̱ng na Adakunom. Won Adakunom'me tu ku shesh. Wu fe̱ ye wu nye Igon Adakunom.”

aMatiyu 17:5

Kum ne a ru fe̱ kanu, kune̱n kukak ku ta se kanang be̱ ku tú kis ba ne kuto̱ kukak wuruk naza ye, “Ayu ne a nye Igon'i kaya mi ta shim. Mi fok kasas wu dide̱ng. Ku fok yin kuto.”

aMatiyu 2:11

Be kube̱ ba nasa'me, ne á di igon'e be anyining wu aMarya, iyong á tiguum kaben nong á tú ku ya iben. Á bisik acer ba nong á tá no̱o̱k izinariya be name iko̱o̱n a tá yis ye amuur.

aMatiyu 14:32

Nizen iya á tá fa no̱ ba kaye̱e̱r kukpara ashi'me ne kuwun'e nyeseng.