aMatiyu 14:31 - Izere New Testament

³¹ aYeso wor a nabak kubo̱k zizirik a tú ku ko̱ro̱k. Ne a fe̱ be wu ye, “Wan afe kuno̱o̱k katsak wan ta gop baꞌ. Akye̱ sak riye̱ wan se gak e̱?”

aMatiyu 14:31 Referans Kwoze

aMatiyu 8:26

Ayong aYeso fe̱ be ba ye, “Yin áfe kuno̱o̱k katsak yin ta gop baꞌ, akye̱ sak yin be yin inyim anong e̱?” Ayong a dorok a ta tigba kuwun be agung ashi'me ne karo̱ wor ka te win.

aMatiyu 17:20

aYeso fe̱ be ba ye, “Kamok kuno̱o̱k katsak yin gop baꞌ. Won ta ka tak yin katsak'e, ke a fa fe̱ ye kuno̱o̱k katsak yin se hiir kyo̱ndi ica amusta ke yin kyem i fe̱ yin be kawhanang na ye, ‘Dorok aze ta be aza,’ ka tà dorok. Ike̱ng ikak tà ka gaar yin kunye baꞌ.”

aMarkus 5:41

aYeso ko̱ro̱k kubo̱k kanamang ame, nong a ta fe̱ be wu ye, “aTalita kum!” (I ta sor ye, “Kaban kanamang, mi fe̱ be wan ye dorok!”)

aMarkus 1:31

Ayong aYeso tseng nufu, ne a yiir kubo̱k wu nong a tú ku ko̱ro̱k nong a tá sonong tsik. Kuro̱m kuzhoosh'e tú won yong a tú nyes ba.

aMatiyu 16:8

aYeso tá ren ike̱ng ba ta sen ninye ibo̱ro̱ng natoon'e, yong a fe̱ be ba ye, “Yin áfe kuno̱o̱k katsak yin ta gop baꞌ, akye̱ sak yin sen fe̱ yin natoon abiredi e̱?

Itomong Ámanzo 4:30

Ni sak kubo̱k wan natoon ánerawe nong á ta te atser, nye ike̱re̱ azhing ne ike̱re̱ iya i tana tonong kukyem wan kaye̱e̱r riyerek asam wan azhe̱l'e aYeso.”

aLuka 24:34

Á sen fe̱ be ba ye, “I nye katsak! Agwo̱m Ágwo̱m n dorok ma an tonong rice wu nufe aSiman.”

aMarkus 16:7

Amma tseng yin, ta se tak yin álimazhiri wu be aBitrus ye, ‘A ta ka tseng ba na aGalili. Azong ne ba tú ku di kyo̱ndi a tá fe̱ be ba.’ ”

aMarkus 11:23

Katsak ne mi ta ka tak yin, koangan ne a fe̱ be rifan na ye, ‘Dorok nong ta se kpa kaye̱e̱r agbang kudung’ sang be agak riye̱ baꞌ, amma be riye̱ rizining ike̱ng iya wu ta fe̱ ye i ra nye, i tà nye.

aMarkus 1:41

Kaye̱e̱r kuro̱ riye̱, aYeso nabak kubo̱k nong a tá ra aner ame. Ne a fe̱ be wu ye, “Mi shim, te zhe̱l!”

aMatiyu 6:30

Ke i nye ye Adakunom nye agam iwe̱ng izem anong, aya a ta di katuur amma natson ne a te kaye̱e̱r kuro̱ng shita yin a? Yin áfe sang kuno̱o̱k katsak yin ta gop baꞌ.

1 aTimoti 2:8

Mi shim koake̱, atek ra kok ibo̱k ba naza nong á ta nye aduwa dar riye̱ kubeseng ka be nanaan baꞌ.

1 aBitrus 1:5

Yin aya kamok kuno̱o̱k katsak yin, Adakunom kaye̱e̱r agbang kukyem wu ta ka fek yin ma yin se̱ yin kashesh na a tana tun katuk igang'e nong koangan tà di.

aMatiyu 14:30

Amma nizen a tá fok kuwun'e tá fe̱se̱m a fok inyim, ne a san ku wei kaye̱e̱r ashi'me yong a tá kukun ye, “Atekasa, ni shesh!”

aMatiyu 14:32

Nizen iya á tá fa no̱ ba kaye̱e̱r kukpara ashi'me ne kuwun'e nyeseng.

aMarkus 4:40

Ne a fe̱ be álimazhiri wu ye, “Akye̱ sak yin fok yin inyim anong e̱? Yin n no̱o̱k yin katsak gum aꞌa?”