aMatiyu 14:29 - Izere New Testament

²⁹ aYeso fe̱ be wu ye, “Be̱.” Ayong aBitrus wuruk kaye̱e̱r kukpara ashi'me a ta san kutseng natoon ashi ame a be nufe aYeso.

aMatiyu 14:29 Referans Kwoze

aFilipi 4:13

Mi ta kyem i nye koakye kamok aKiristi aya a tin nyesek agap kunye'me.

aMarkus 9:23

Ayong aYeso tú ku rip ye, “Wan di ane̱, wan ta fe̱ ye, ‘Ke wan ta kyem e̱?’ Koakye ike̱ng nye ife kunye nufe aner aya a ta no̱o̱k katsak.”

Itomong Ámanzo 3:16

Kukyem riyerek aYeso, kamok kuno̱o̱k katsak wu riyerek aYeso ne aner na ti se̱ agap atak wu. Riyerek aYeso ne kuno̱o̱k katsak wu ta be ne ku tú ku no̱o̱k kute atser cice̱r na, kyo̱ndi yin tu ku ye̱re̱k yin.

aLuka 17:6

Iyong Agwo̱m Ágwo̱m'me fe̱ be ba ye, “Yin fa be yin kuno̱o̱k katsak hiir kyo̱ndi ica naya a ta yis ye amusta, ke yin fe̱ yin be agbang kakon na ye, ‘Wuruk be atsip wan nong ta se nyeseng kaye̱e̱r agbang kudung,’ ka ta kuus ike̱ng iya yin tá fe̱ yin.”

aRom 4:19

Nizen iyong Ibrahim be aye̱ kyo̱ndi kuso̱k inyak, agap tsang a gang gye̱r tatan kamok a tá tsang a kop amma a shirim kaye̱e̱r kuno̱o̱k katsak wu baꞌ, ka ye izen aSaratu tana bun a tes tsang i gor baꞌ.

aMatiyu 21:21

aYeso fe̱ be ba ye, “Katsak'e ne mi ta ka tak yin, yin gip ke yin no̱o̱k yin katsak sang ke riye̱ yin se gak baꞌ, yin ta kyem i nye yin ike̱ng iya i ta nar iya mi tá nye be ritin atafo na, yin ta kyem fe̱ yin be rifan na ye, ‘Dorok ta se kpa kaye̱e̱r agbang kudung,’ ku tà nye anong.

aMatiyu 17:20

aYeso fe̱ be ba ye, “Kamok kuno̱o̱k katsak yin gop baꞌ. Won ta ka tak yin katsak'e, ke a fa fe̱ ye kuno̱o̱k katsak yin se hiir kyo̱ndi ica amusta ke yin kyem i fe̱ yin be kawhanang na ye, ‘Dorok aze ta be aza,’ ka tà dorok. Ike̱ng ikak tà ka gaar yin kunye baꞌ.”

aMatiyu 14:28

Ayong aBitrus fe̱ be wu ye, “Atekasa, ke aner'e nye wan ne i fe̱ be nong mi tá be̱ nufuan natoon ashi'me.”

aMatiyu 14:30

Amma nizen a tá fok kuwun'e tá fe̱se̱m a fok inyim, ne a san ku wei kaye̱e̱r ashi'me yong a tá kukun ye, “Atekasa, ni shesh!”