aMatiyu 14:19 - Izere New Testament

¹⁹ Ne aYeso fe̱ be ánerawe'me ye á ra sosok kaben natoon agam. A sok ágbang abiredi atoon ame be izos ifa'me, a tá sok rice naza a tá tonong riye̱ rikan wu be Adakunom ne a te̱se̱ng. Ne a no̱o̱k álimazhiri wu nong álimazhiri wu'me ta kasap ánerawe'me.

aMatiyu 14:19 Referans Kwoze

aLuka 24:30

Nizen aYeso tá se be iya naya mak be ba, a sok abiredi, a tá tonong Adakunom riye̱ rikan, ne a te̱se̱ng ne a san ku nyesek ba.

Itomong Ámanzo 27:35

aBulus'e ta fa fe̱ anong ne a sok abiredi a ta tonong riye̱ rikan'e be Adakunom nasho̱o̱n ba cice̱r. Ne a te̱se̱ng, a tá kpaan kuya'me.

aMarkus 6:41

aYeso sok ágbang abiredi atoon be ízos ifa ame. Ne a sok rice naza a tá tonong riye̱ rikan be Adakunom. A te̱se̱ng abiredi ame, a tá no̱o̱k álimazhiri wu nong á tá saas ánerawe'me. aYeso bun a tú kasap ba izos ifa ame.

1 aKoranti 11:24

Nama a tá tonong Adakunom riye̱ rikan'e ne a te̱se̱ng abiredi'me a tá fe̱ ye, “Iyuna nye kuro̱m mi kuya a ta no̱o̱k kamok yin. Yiir nye yin anong nong ta yiring yin be mi.”

aRom 14:6

Koangan afe a ta sok kunom kukak yiik ye ku nar ribir'e nye anong nong a tin tiyiik Agwo̱m Ágwo̱m wu. Koangan afe a ta ya koakye kuri rinam nye anong nong a tin tiyiik Agwo̱m Ágwo̱m wu. Kamok nong a tin tonong riye̱ rikan be Adakunom be rinam'e. Aner aya a ta ya koakye kuri rinam baꞌ, nye anong gip nong a tin tiyiik Agwo̱m Ágwo̱m wu kamok nong a tin tonong riye̱ rikan wu be Adakunom.

aKolosi 3:17

Koakye ike̱ng iya yin tana nye yin, ko kaye̱e̱r kufe̱ kanu ko kaye̱e̱r kunye ike̱ng, nye yin cice̱r kaye̱e̱r riyerek aYeso Agwo̱m Ágwo̱m, ne i tonong yin Adakunom riye̱ rikan kamok wu.

1 aKoranti 10:16

Ke yir sen so̱ yir na ako̱p Azhibi, aya yir tin be yir riye̱ rikan be Adakunom, i nye ye yir te yir ázining kaye̱e̱r naso̱k aKiristi aꞌa? Ke yir ya yir abiredi azhibi Agwo̱m Ágwo̱m'me, i nye ye yir te yir azining kaye̱e̱r kuro̱m aKiristi aꞌa?

aLuka 9:14

Atek áfe a ta se azong be̱ barak áner izungu itoon. Ayong aYeso fe̱ be álimazhiri wu'me ye, “Ku sak yin ba nong á ta sosok nagwo̱m iso̱k itutoon.”

aMarkus 7:34

Ne aYeso sok anyisi naza ne a ko̱ro̱k isong, nong a ta fe̱ ye, “Ifata!” I ta sor “Karak!”

1 aKoranti 10:31

Kamok anong koakye ne yin ta sen nye yin'e, kaye̱e̱r kuya ka kuso̱ yin ayi, nye yin koakye kamok ku tiyiik Adakunom.

aYohana 6:23

Ne akpara ákak a ta nye azhizhe̱k'e a tá ne na aTibariya be̱ azong bubarak be karo̱ kaya ánerawe tú ku ya abiredi aya aYeso tin nye aduwa natoon ame.

aMarkus 6:39

aYeso fe̱ be álimazhiri wu ye, á ra sak ánerawe'me cei nong á tá sosok nagwo̱m iso̱k itutoon natoon agam ashirim.

aYohana 11:41

Ayong á tomong kuta ame. aYeso sok anyisi naza ne a fe̱ ye, “Ada, mi be riye̱ rikan be wan kamok mi ren wan ti fok.

aLuka 22:19

Ne a sok abiredi, a ta tonong Adakunom riye̱ rikan ne a te̱se̱ng a tú ku no̱o̱k ba, ne a fe̱ be ba ye, “Kuro̱m'i na, a ta no̱o̱k kamok yin, yiir nye yin ana nong tà yiring yin be mi.”

aLuka 9:16

aYeso sok ágbang abiredi atoon be ízos ifa ame. Ne a sok rice naza a tá tonong Adakunom riye̱ rikan. A te̱se̱ng abiredi be ízos ame, a ta no̱o̱k álimazhiri wu nong á tá saas ánerawe'me.

aMatiyu 14:18

aYeso fe̱ be ba ye, “Ni no̱o̱k yin aze.”

aLuka 22:17

Nizen aYeso tá sok ashi anap'e, ne a tonong Adakunom riye̱ rikan, ne a fe̱ be ba ye, “Inga, so̱ yin ne i gorok yin'e.