aMatiyu 14:14 - Izere New Testament

¹⁴ Nizen aYeso tá wuruk kaye̱e̱r kukpara ashi'me, a di rigwo̱m ánerawe ame, ne a fok kuro̱ riye̱ ba iyong a sak áya a ta nye atser kaye̱e̱r ba baꞌ, tá te atser.

aMatiyu 14:14 Referans Kwoze

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

aMatiyu 9:36

Nizen aYeso tá di ánerawe whe̱re̱, a ro̱ riye̱ ba, kamok á se nudaam, á be akak a tana ka tobok ba baꞌ. Á se kyo̱ndi itsamang dar afek.

Ibrani 2:17

Kamok anong ne wu te kyo̱ndi áronyining wu kaye̱e̱r koakye iren, nong ase̱ a tá te agbang atsi afe a ta be kuro̱ riye̱ ne a nye katsak ni itomong Adakunom. A nye asidaka'ong nong a tin sok rine̱n ánerawe.

Ibrani 5:2

A kyem a nye tatan be áya a ta taam ne áya a ta dun kuren ike̱ng, kamok wu be rice wu ta be kuraar kuri kufe̱ rinerawe gip.

aLuka 19:41

aYeso tá fa be̱ bubarak be aUshalima, a sok anyisi a ta ye̱re̱k kuwo̱p'e, yong a tos kamok kuwo̱p'e.

aLuka 7:13

Nizen aYeso tá fa ku di, ne a ro̱ riye̱ wu, yong a fe̱ be wu ye, “Sang tu tos baꞌ.”

aMarkus 9:22

In me̱ ne i ku barak nuro̱ng be nashi nong i tu ku fe̱r. Ke wan ta kyem i nye ike̱ng ikak ne, fok kuro̱ riye̱ yir nong tin se̱ mo yir.”

aMarkus 6:34

Nizen aYeso tá wuruk kaye̱e̱r kukpara ashi'me, a di ánerawe whe̱re̱, yong a fok kuro̱ riye̱ ba, kamok a se kyo̱ndi itsamang dar afek. Ayong a san ku kabo̱so̱p ba ike̱re̱ whe̱re̱.

aMatiyu 4:23

aYeso gorok kaben aGalili cice̱r ne a bo̱so̱p ánerawe'me kaye̱e̱r atu aduwa ba, ne a ku taas ba Rife̱ Ritek natoon rigwo̱m kaza. Ne a sak áfe iro̱k iriri me tá te atser.

aMatiyu 14:15

Kawheshirim tá fa nye, álimazhiri wu be̱ nufu á tá fe̱ ye, “Aze nye katse, izen m bo̱ karo̱. Won ánerawe nong á ta tseng ni iwo̱p i ta se bubarak nong á ta se shan naya.”