aMatiyu 13:47 - Izere New Testament

⁴⁷ A bun a fe̱ be ba gbak ye, “Rigwo̱m kaza se kyo̱ndi agunung a tá te kaye̱e̱r kudung nong a tin yising ízos iriri'me.

aMatiyu 13:47 Referans Kwoze

aYohana 15:6

Koangan afe sang a ta se kaye̱e̱r'e baꞌ, a se kyo̱ndi iwhang'e iya a tan barak nong i tà koor. Ánerawe tusung iri ba ne á tes nuro̱ng, a ta shosh.

Ike̱ng a ta tonong aYohana 3:1

“Zibir amaleka ikilisiya aSardis'e ye: Rife̱ na ne nufe aner aya a ta be nabik Adakunom kanataar ne a yiir ádar kanataar nubo̱k wu. Mi ren kunye wan. Ánerawe ta di kyo̱ndi wan nye atser aser wan nye kukom'e.

aMarkus 1:17

Ne aYeso fe̱ be ba ye, “Be̱ yin, ni kuus yin. Mi ta ka sak yin ta te yin áya a tana yising ánerawe kyo̱ndi i ta yising yin izos.”

aGalati 2:4

Itak na dorok kamok áfikuus abo̱o̱s ákak ti no̱ ni yir nong ase̱ á tin farang yir nong á ta di kanye̱k kusor yir ne kusor kutek yir ta se̱ yir kaye̱e̱r aYeso Kiristi, nong a ti sak yir ta te yir ásam.

2 aKoranti 11:26

Kaye̱e̱r kutsang kutseng'i, mi nyim be kawei kaye̱e̱r ágbang ísho̱ng, mi n nyiis be ágbang ákpatang. Mi n di kawei be áner'i, ne i no̱ nibo̱k áner aya sang a ta nye áner aYahuda baꞌ. Mi n di kawei kaye̱e̱r agbang kuwo̱p, ne kaye̱e̱r katse, ne i di kawei kaye̱e̱r ágbang adung, ne i no̱ ni nibo̱k ároneng áfe abo̱o̱s.

Itomong Ámanzo 20:30

Kaye̱e̱r yin gip, ákak tà dorok nong á ta buruk katsak'e nong ase̱ áfikuus akak tà ka kuus ba.

aLuka 5:10

anong ne aYakub be aYohana inoon aZabedi, áferime̱ itomong aBitrus'me. Ayong aYeso fe̱ be aSiman ye, “Sang tu fok inyim baꞌ, kyo̱o̱rna wan tà ma yising ánerawe makong kyo̱ndi wan ta yising izos.”

aMatiyu 4:19

Ne aYeso fe̱ be ba ye, “Be̱, ni kuus yin, mi tà ka sak yin tin be̱s yin be ánerawe.”

1 aKoranti 11:19

Anong gye̱r, nanan tin no̱ kaye̱e̱r yin nong ase̱ a ta ren áfe a ta nye áfe Adakunom be katsak.

aYohana 15:2

Iwhang iya i ta se kaye̱e̱r'i, i tà tes baꞌ a ta te̱se̱ng. Iwhang'e iya i ta tes, ne a nye gye̱r nong i tin barang kutes dide̱ng.

aMatiyu 13:44

“Rigwo̱m kaza se kyo̱ndi kurum a ta ne̱r niben kaye̱e̱r riko̱ ke izen iya aner akak se se̱'me ne a bun a ku ne̱r. Be riye̱ rikan a ta se re̱e̱s ike̱re̱ wu cice̱r nong a ta sen shan riko̱'me.”

aMatiyu 13:46

Izen iya ne a se̱ iya i ta nye itek'e dide̱ng ne a tseng nong a ta se re̱e̱s ike̱re̱ wu cice̱r nong a tin shan mo.”

aMatiyu 13:48

Izen iya ne a shining be ízos ne áfe kuyising ízos'e korok nukim, nong á ta sonong á ta kasa itek ne á tusung ni iderse ne á nyosong iya i ta nye itek baꞌ.