aMatiyu 13:44 - Izere New Testament

⁴⁴ “Rigwo̱m kaza se kyo̱ndi kurum a ta ne̱r niben kaye̱e̱r riko̱ ke izen iya aner akak se se̱'me ne a bun a ku ne̱r. Be riye̱ rikan a ta se re̱e̱s ike̱re̱ wu cice̱r nong a ta sen shan riko̱'me.”

aMatiyu 13:44 Referans Kwoze

aKolosi 2:3

Kaye̱e̱r wu ne a ne̱r ayiik kukyem ne kuren ike̱ng cice̱r.

aLuka 14:33

Anong ne yin gip, koangan ne ke a won koakye wu ta be nong a tin kuus baꞌ, a tà kyem a te alimazhiri mi baꞌ.

aMatiyu 6:21

Kamok karo̱ kaya ne kurum wan tu ku se, azong ne riye̱ wan tà se.

aMatiyu 19:29

Koangan afe a tá won nasa wu ka áronyining wu ka ángasnyining ka atek wu ka ango̱ wu ka inoon wu ka ako̱ wu kamok riyerek'i, a ta se̱ ike̱ng iya i ta nar anong kuso̱k inyak ne a bun a se̱ kutser kufe izen izen.

Ike̱ng a ta tonong aYohana 3:18

Mi tà ka no̱o̱k ibo̱ro̱ng, shan izinariya aya a tan shirik be kuro̱ng nunaan nong ta te árum kaye̱e̱r kabik, be ares akan nong tin kis kuro̱m wan fan i bu fok isum. Shan rikan anyisi nong tà di karo̱ gye̱r.

aMatiyu 19:27

Ayong aBitrus fe̱ be wu ye, “Di, yir n won yir koakye nong i tá ka kuus yir, to̱, iyong yir tà se̱ yir akye̱?”

aMatiyu 19:21

aYeso fe̱ be wu ye, “Ke wan shim tá raar ni ike̱ng ikak baꞌ, to̱, tseng ta se re̱e̱s ike̱re̱ wan nong tà no̱o̱k áfe rizor itso̱m'me, wan tà se̱ ishorong kaye̱e̱r kaza. Ne i be̱ tin kuus.”

aRom 15:4

Koakye ike̱ng iya a tá zibir gbugbang, a zibir nong a tin bo̱so̱p yir'e, nong ase̱ rife̱ Adakunom tin bo̱so̱p yir kutsesek nong ta se̱ yir ike̱ng tanin te yir riye̱.

aMatiyu 13:24

aYeso bun a tu tak ba kumaas kukak gbak ye, “Rigwo̱m kaza se kyo̱ndi aner a tá nas alikama riko̱ wu.

Ibrani 10:34

Yin tonong yin áya a ta se nitso̱m kuro̱ riye̱. Yin nye yin riye̱ rikan nizen iya a tin shan ike̱re̱ yin, kamok yin ren yin ye yin be yin ike̱re̱ i ta nar iyong ife i tana sor ma izen izen.

aYohana 6:35

Ayong aYeso fe̱ be ba ye, “Mi ne i nye naya naya na ta nyesek kutser. Aner aya a ta be̱ nunaan, a ba tà fok izong baꞌ. Aya a ti no̱o̱k katsak natoon'i, a tà ba fok kuto̱ kukoor baꞌ.

aKolosi 3:16

Won rife̱ aKiristi tu nyeseng be agap dide̱ng kaye̱e̱r aye̱ yin, ne i naka bo̱so̱p yin'e, ne i naka nyesek yin ibo̱ro̱ng, be koakye kuri kukyem, ne i bom yin abom aZabura, ne i kerek yin Adakunom, ne i bom yin abom afe a ta nye afe Kabik, ne i nye yin riye̱ rikan kaye̱e̱r aye̱ yin be Adakunom.

aMatiyu 13:46

Izen iya ne a se̱ iya i ta nye itek'e dide̱ng ne a tseng nong a ta se re̱e̱s ike̱re̱ wu cice̱r nong a tin shan mo.”

aMatiyu 13:47

A bun a fe̱ be ba gbak ye, “Rigwo̱m kaza se kyo̱ndi agunung a tá te kaye̱e̱r kudung nong a tin yising ízos iriri'me.