aMatiyu 13:43 - Izere New Testament

⁴³ Ne áya a ta se gye̱r nasho̱o̱n Adakunom ta sam kyo̱ndi akanang kunom kaye̱e̱r rigwo̱m Ada ba. Aner a ta be ato kufok a ra fok.

aMatiyu 13:43 Referans Kwoze

aLuka 12:32

“Sang tu fok yin inyim baꞌ, yin ahiir kaming, kamok Ada yin be riye̱ rikan nong yin tà nye yin rigwo̱m mak be wu.

aMatiyu 11:15

Won afe a ta be ato kufok a ra fok.

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

aYakub 2:5

Aroneng'i aya mi ta shim, wesek yin kuto, i se ye Adakunom kasa áfe rizor nasho̱o̱n kazatse na nong a ta te arum kaye̱e̱r kuno̱o̱k katsak ne aya a ta ya kutse rigwo̱m Wu ta nye kanye̱k'e natoon aya a tu ku shim aꞌa?

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

aLuka 22:29

Mi tà ka no̱o̱k yin rigwo̱m kyo̱ndi Ada mi tin no̱o̱k.

aMatiyu 26:29

Won ta ka tak yin, mi ta ba so̱ ashi anap na baꞌ, ma katuk afe mi tana so̱ akak afas mak be yin kaye̱e̱r rigwo̱m Ada mi.”

aMatiyu 25:36

Mi be kukpiin baꞌ, yin ti no̱o̱k yin. Mi nye atser baꞌ, yin ti sak yin riye̱ natoon'i. Mi se nitso̱m, yin be̱ i ti di yin.’

aMarkus 4:23

Koangan afe a ta be ato kufok a ra fok.”