aMatiyu 13:39 - Izere New Testament

³⁹ Ne amudo̱n aya a ta nas naya'me nye Ishetan. Ishamang'e nye izen afe kazatse tana gang, ne áfe kutse̱k'e nye ámaleka.

aMatiyu 13:39 Referans Kwoze

aMatiyu 13:49

Anong ne i ta se izen kazatse tana gang, ámaleka Adakunom ta be̱ nong á ta kam ámaan aner be átek'e.

aMatiyu 25:31

“Nizen iya Igon Anerawe tana be̱ kaye̱e̱r kuyiik wu mak be ámaleka cice̱r, a tà sonong na ayiik itsik rigwo̱m wu.

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

Ike̱ng a ta tonong aYohana 13:14

A no̱o̱k kukewum kufe afa'ong kukyem a tin nye ike̱re̱ azhing ne a ni wo̱ro̱k ánerawe kazatse dide̱ng nong a ta kare̱p kukewum kufe ime̱se̱ng'e riye̱. A ta sak ba á ta no̱k ike̱ng ikak i ta tas kukewum kufe ime̱se̱ng ame nong a tin tiyiik kukewum'me a tu ku man be kutsor gip be anong ku bun ku nye kutser.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

aMatiyu 24:3

Nizen iya aYeso ta se nusonong natoon Kawhanang Nafar, yong álimazhiri wu be̱ nufu awan ba nong á ta fe̱ be wu ye, “Ni tak yir, na akye̱ izen ne ike̱re̱ na tà nye e̱? Akye̱ ne i nye ike̱ng i tana tonong ye izen kube̱ wan n be̱ bubarak ne izen kazatse tana gang e̱?”

aMatiyu 13:25

Nizen iya koangan ta se nida, ne amudo̱n wu be̱ a tin nas agam kaye̱e̱r alikama'me nong a tá tseng akon wu.

aZhud 1:14

aEnok gip, a ta se kaye̱e̱r izam ife kanataar nama Adamu, wu gip a nye kuzarap natoon áner ayong ye, “Di yin, Agwo̱m Ágwo̱m ta saase be áfu ázhe̱l'e izungu natoon izungu izungu,

1 aBitrus 5:8

Yiir yin rice yin ne i sak yin riye̱ kamok amudo̱n yin Ishetan tsang a kar kyo̱ndi azaki a tsang a muus kamok a tse̱r aner aya wu tana fe̱r.

Ibrani 9:26

A fa fe̱ ye aKiristi nye anong, ke an so̱ risam ne a toos'e kum nizen iya a tá nye kazatse. A be̱ kutak kuzining tsek nigang'e na, a tá no̱o̱k rice wu asidaka kamok rine̱n yir.

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

2 aKoranti 11:3

Amma mi fok inyim ye ike̱ng iya i tase aHawa ta ka se̱ yin. Iwhen tu wo̱ro̱k be ritse̱ng wu ma a nye rine̱n. Anong ne a ta kyem a sak kuto̱ro̱ng yin ta te kpe̱de̱ng, fan yin bun won dar i no̱o̱k yin rice yin cice̱r nong ta se yin zhe̱l nasho̱o̱n aKiristi baꞌ.

2 aKoranti 2:17

Yir se yir kyo̱ndi whe̱re̱ áya a tan sok rife̱ Adakunom nong á tin tse̱r naya ba baꞌ. Yir fe̱ yir kanu kaye̱e̱r aKiristi nasho̱o̱n Adakunom be riye̱ rizining kyo̱ndi áner Adakunom ta ka tom ba.

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

aMatiyu 13:28

“Ayong atekasa'me fe̱ be ba ye, ‘Amudo̱n'i akak ne a se nye ike̱ng iyong.’ “Ásam wu'me fe̱ be wu ye, ‘Wan shim ta se inga yir agam'me a?’

aMatiyu 12:32

Koangan ne a fe̱ amaan rife̱ natoon Igon Anerawe a tù ku re̱ng'e, amma aner aya ne a fe̱ imaan'e natoon Kabik Kazhe̱l'e, a tù ku re̱ng rine̱n riyong nigaan'e baꞌ, ko kyo̱o̱rna ko nasho̱o̱n.

aMatiyu 13:22

Íca'me iya i tá kpas kaye̱e̱r ikiritsan nye aner a ta fok rife̱'me, amma ke izen iya ne kudaam kusor kazatse be kushim kurum tu ku daam ne a beseng.

aMatiyu 13:40

“Kyo̱ndi a ta tusung agam nong a ta te nuro̱ng, anong ne i ta se nizen kazatse tana gang.

1 aKoranti 10:11

Ike̱re̱ na tá se̱ ba nong i tin tonong yir ike̱ng ikak. A zibir kaye̱e̱r kufumung rife̱ Adakunom nong a tin ko̱ro̱k yir kuto, a fe̱ ike̱re̱ na natoon yir i ta se yir nizen igang kazatse.

Ibrani 1:2

Amma kaye̱e̱r inom igang'e na, a fe̱ kanu be yir be Igon wu, aya a tú ku sak a ta te a ya kutse ike̱re̱ cice̱r. Mak be wu ne a nye koakye.