aMatiyu 13:38 - Izere New Testament

³⁸ Riko̱'me nye kazatse, ne izha itek'e sor inoon rigwo̱m Adakunom. Agam'me nye inoon amaan aner'e.

aMatiyu 13:38 Referans Kwoze

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

Itomong Ámanzo 13:10

“Wan nye igon Ishetan, wan shim ike̱ng iya i ta nye itek nigaan'e baꞌ. Wan mak i shim kuwo̱ro̱k ánerawe nong ta ka mo̱o̱r ba. Wan ta won kuburuk katsak rife̱ Adakunom aꞌa?

1 aBitrus 1:23

Kamok a bun a ma ka tes yin sang be ike̱ng iya i tana beseng ba, amma a ta ka tes yin be rife̱ Adakunom, rife kutser rife izen izen.

aYakub 1:18

Wu ne a di a tin kasa yir a tin tes yir kaye̱e̱r rife̱ katsak, nong yir ta se yir kyo̱ndi kutes kufe ime̱se̱ng'e kaye̱e̱r ike̱re̱ wu ta nye.

aMatiyu 13:19

Ke anerawe fok rife̱ natoon rigwo̱m kaza, a ra ren ike̱ng iya i ta sor baꞌ. Amaan aner'e be̱ nong a ta turung ike̱ng iya a tan tuus kaye̱e̱r riye̱ aner'e. Ayong ne a nye íca'me iya i ta kpas niren.

1 aYohana 3:2

Aro̱, kyo̱o̱rna yir nye yir inoon Adakunom. Yir ren yir ike̱ng yir tana te yir nasho̱o̱n baꞌ. Amma yir ren yir ye izen iya aYeso tana bun a be̱, yir tà te yir kyo̱ndi wu ne i di yir kuse wu.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

aRom 16:26

amma kyo̱o̱rna a min tonong yir. Adakunom afe izen izen fe̱ be áner kuzarap wu ye a ra zibir natoon Rife̱ Ritek'e nong áfurin tin no̱o̱k katsak ne a ku kuus.

aRom 10:18

Mi rip ana'ong, katsak'e ba fok aꞌa? A fok ko̱! Kyo̱ndi rife̱ Adakunom ta fe̱ ye, “Kuto̱ ba n tseng koake̱ kaye̱e̱r kazatse, rife̱ ba n tseng nigang kazatse.”

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

aYohana 12:24

Katsak'e ne mi ta ka tak yin, sang ke a te ica naya kaben nong i ta bus baꞌ, i ta sor ica'me izining tsek. Amma ke i bus, to̱, ne i no̱o̱k íca whe̱re̱.

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

aMatiyu 24:14

Á ta taas Rife̱ Ritek na natoon rigwo̱m kaza kaye̱e̱r kazatse na cei nong i ta sor asheda natoon koangan, ne igang'e ma be̱.

Ike̱ng a ta tonong aYohana 14:6

Ne mi bun i di amaleka akak ta kar natoon kaza, a be Rife̱ Ritek Adakunom rife̱ izen izen nong a ta tak ánerawe kaye̱e̱r kazatse cice̱r, koakye kuri anerawe be koakye kuri izere be koangan irem.

aYakub 2:5

Aroneng'i aya mi ta shim, wesek yin kuto, i se ye Adakunom kasa áfe rizor nasho̱o̱n kazatse na nong a ta te arum kaye̱e̱r kuno̱o̱k katsak ne aya a ta ya kutse rigwo̱m Wu ta nye kanye̱k'e natoon aya a tu ku shim aꞌa?

aMatiyu 5:37

Ike̱ng iya yin tana fe̱ yin tsek nye, ‘Ei’ ka ‘Wayo’ ayi. Koakye i ta bun i nar anong ne nufe Amaan aner.

aMatiyu 8:12

Amma á tà barak áya a ta tas ke ba ne a nye áfe Adakunom, amma á ra gaar kaye̱e̱r amaan awhi, naro̱ á tana tos ne á ya anyi.”