aMatiyu 13:33 - Izere New Testament

³³ A bun a tu nye ba kumaas kukak gbak ye, “Rigwo̱m kaza se kyo̱ndi ayisti aya abining akak tá sok a tin gung be amudu ataar afe ikpe alikama ma alikama'me dorok a ta te cip.”

aMatiyu 13:33 Referans Kwoze

aGalati 5:9

Kyo̱ndi a ta man ne a fe̱ ye, “Kabayisti cie̱k ne ka sak ku abiredi kusum ta dorok.”

aLuka 13:21

Ri se kyo̱ndi ayisti aner abining tá sok a tin kare̱ be nakan alikama whe̱re̱, ma nakan'e dorok cei.”

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!

aFilipi 1:9

Aduwa mi se ye: kushim yin tà ya kasho̱o̱n anong dide̱ng kaye̱e̱r kukyem yin ne i ren yin ike̱ng i ta se gye̱r ke a nye,

aFilipi 1:6

Mi no̱o̱k katsak ye Adakunom afe a tan san itomong itek naye̱ yin tà ya kasho̱o̱n anong ma nigang'e nizen aYeso tana bun a be̱.

aYohana 15:2

Iwhang iya i ta se kaye̱e̱r'i, i tà tes baꞌ a ta te̱se̱ng. Iwhang'e iya i ta tes, ne a nye gye̱r nong i tin barang kutes dide̱ng.

aMarkus 13:20

Ke a fa nye ye, kamok Agwo̱m Ágwo̱m ta te̱e̱k inom'e baꞌ, ko ke aner akak gaar baꞌ. Amma kamok áya wu tá tsang a kasa ne wu te̱e̱k inom'e.

aMatiyu 13:24

aYeso bun a tu tak ba kumaas kukak gbak ye, “Rigwo̱m kaza se kyo̱ndi aner a tá nas alikama riko̱ wu.