aMatiyu 13:30 - Izere New Testament

³⁰ Ka won yin ba cice̱r nong a ta rasak mak ma nizen ishamang'e. Nizen iyong ne mi tà fe̱ be áfe kutse̱k'e ye, Tusung yin agam'me ta rosom yin na agwo̱m nong tin te yin kuro̱ng; ne i tusung yin alikama'me ta be̱ tin korok yin'e ni ingme̱.’ ”

aMatiyu 13:30 Referans Kwoze

aMatiyu 3:12

Kube wu se nubo̱k wu. A tà tas áwhe̱'me ne a korok iwe̱ng'e kaye̱e̱r ingme̱ ne a shosh awhe̱'me be kuro̱ng kuya sang ku tana ku baꞌ.”

1 aTimoti 5:24

Rine̱n ánerawe ákak se kanang, ri wor ri se kanang kum dar a tseng'e naro̱ amok, amma rine̱n rife̱ ákak, ma ri sok izen ri ta ra wuruk.

1 aKoranti 4:5

Kamok anong tu te̱n yin akak amok kum ne izen'e ruresek baꞌ. Won yin ma Agwo̱m Ágwo̱m yir aYeso be̱. Wu ne a tà be̱ te̱s ike̱re̱ i ta se nawhi ne a tonong ike̱re̱ i ta se kaye̱e̱r aye̱ ánerawe. Nizen iyong ne koangan tà shan nakerek wu nufe Adakunom.

aYohana 15:6

Koangan afe sang a ta se kaye̱e̱r'e baꞌ, a se kyo̱ndi iwhang'e iya a tan barak nong i tà koor. Ánerawe tusung iri ba ne á tes nuro̱ng, a ta shosh.

aMatiyu 25:32

A tà tusung ánerawe kazatse nasho̱o̱n wu cice̱r. Ne a kam ánerawe ze̱r ze̱r kyo̱ndi aner kufek ta kam ítsamang ze̱e̱r be ibon.

aLuka 3:17

Kube wu se nubo̱k wu, a tanin tas alikama a tan she̱sh, ne a tusung iwe̱ng'e kaye̱e̱r ingme̱, ne a shosh áwhe̱'me be kuro̱ng kuya sang a tana riming baꞌ.”

aMatiyu 25:41

“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu.

aMatiyu 13:25

Nizen iya koangan ta se nida, ne amudo̱n wu be̱ a tin nas agam kaye̱e̱r alikama'me nong a tá tseng akon wu.

aMatiyu 13:29

“Amma atekasa'me fe̱ be ba ye, ‘Wayo, kamok ke yin se inga yin agam'me yin tà inga yin mak be alikama'me gip.