aMatiyu 13:23 - Izere New Testament

²³ Ike̱ng á tá tuus niben itek ne i nye aner a ta fok rife̱'me ne a ren ike̱ng iya rife̱'me ta sor. A te ace kuso̱k inyak ne íkak iso̱k igataar ka iso̱k itaar ne i nar ike̱ng iya a tá tuus.”

aMatiyu 13:23 Referans Kwoze

aFilipi 1:11

Kamok nong, yin tà shining yin be kuse kuzhe̱l'e a ta se̱ nufe aYeso Kiristi nong ase̱ Adakunom tà se̱ kuyiik be nakerek.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

aMatiyu 12:33

“Kakon katek tes kutes kutek. Amaan kakon tes amaan kutes. Kamok anong a ren kakon be kutes wu.

aMatiyu 13:8

Ica'me ikak kpas naro̱ katek ne i te kusu saase, ikak kuso̱k inyak ne ikak te ace iso̱k igataar ne ikak te iso̱k itaar ne i nar ike̱ng iya a ta nas.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

aMatiyu 3:8

Nye yin itomong i tana tonong ye yin n shishing yin kuse yin.

aLuka 13:9

Ke rites riye̱ ri ta saase to̱, ke ri tes baꞌ ne mi te̱me̱ng.’ ”

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!

aKolosi 1:10

Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.

Ibrani 8:10

Kushu kuya mi tana nye be kasa áner Isarela na: Agwo̱m Ágwo̱m fe̱ ye nama izen iyong, mi tà ka te ba Itsi kaye̱e̱r aye̱ ba ne i bun i zibir naye̱ ba. Mi tà te Adakunom ba ne ba te ánerawe mi.

Ibrani 4:2

Kamok a min taas yir Rife̱ Ritek kyo̱ndi a tá ka taas ba. Amma rife̱ ba tá fok sor ike̱ng ikak nufu ba baꞌ, kamok áfe á tá fok ti no̱o̱k katsak baꞌ.

2 aTasalonika 2:10

be iriri itomong ife kuwo̱ro̱k ánerawe áya a ta se niren kuwei. Á ta no̱ niwei kamok á raba kushim katsak nong á ta se̱ kashesh.

1 aTasalonika 4:1

Ni igang'e ároneng, yir ta nye yin izong ne i bun i ka no̱o̱k yin itabak kaye̱e̱r riyerek Agwo̱m Ágwo̱m yir ye, sor yin kuri kusor kuya Adakunom tana fok kusas'e kyo̱ndi yir tá ka bo̱so̱p yin'e. Yin sor yin kusor kutek gye̱rtatan, amma nibarang yin kunye anong.

aFilipi 4:17

Sang i se ye mi fe̱ anong nong yin ta yiir ni nyesek yin ike̱re̱ baꞌ, amma mi shim ishorong Adakunom ta se natoon yin kamok mi.

2 aKoranti 9:10

Adakunom ne a nyesek aner ikap izha naya a tana tuus ne a ku no̱o̱k naya kuya. Kamok anong, Adakunom ta ka no̱o̱k yin izha naya nong tà tuus yin, wu ne a tà sak naya'me ta rasak. Wu ti barang ike̱ng yin ta be yin nong yin ta kyem i tobok yin áya a ta se kaye̱e̱r kutse̱r.

Itomong Ámanzo 17:11

To̱, áner aYahuda á tá se na aBiriya be kuse kutek ne á nar aya a tá se na aTasalonika, kamok á shan Rife̱ Ritek'e be ifeng dide̱ng. Á ti sak riye̱ á tá fa kufumung rife̱ ye̱r ye̱r ne á maas á tá di ka ike̱ng iya aBulus tá fe̱ nye katsak'e.

Itomong Ámanzo 16:14

Abining akak kaye̱e̱r áya afe a tin foos yir nye aLidiya. A nye abafe aTiyatira'me, a re̱e̱s ares a ta be itso̱m, a be inyim Adakunom.

aYohana 8:47

Aya a ta nye afe Adakunom foos ike̱ng iya Adakunom ta fe̱. Yin wesek yin kuto baꞌ, kamok yin nye yin áfe Adakunom baꞌ.”

aLuka 8:15

Íca ife i ta kpas niben itek nye áner aya a tá shan rife̱'me be riye̱ rizining, áfe a ta fok rife̱ Adakunom ne á ninye itomong ne á na ka tsesek ma ne á te ike̱ng itek.

aMarkus 10:15

Katsak ne mi ta ka tak yin, koangan ne a shan rigwo̱m Adakunom kyo̱ndi igon kahiir'e baꞌ, a ta kyem a no̱ kaye̱e̱r rigwo̱m Adakunom baꞌ.”

aMarkus 4:20

Amma íca'me iya i tá kpas niben itek se kyo̱ndi áner aya a tá fok rife̱'me, ne á shan, ne á te ike̱ng itek dide̱ng, ikak tes iso̱k itaar, ikak iso̱k igataar, ikak kuso̱k inyak ma i nar ike̱ng iya a tá tuus.”

aMatiyu 3:10

Kanu kate̱m se ritin kakon'e, koakye kakon ka ta tes kutes kutek baꞌ, a tà te̱me̱ng a ta te nuro̱ng.

Ibrani 6:7

Kaben kaya ka ta so̱ ashi nizen iya iza tin kpas ye̱r ye̱r ne naya te dide̱ng, ne ka se̱ ritek Adakunom.

aLuka 8:8

Ne íca'me íkak i kpas niben itek, ne i rasak ne i te itek dide̱ng, i te ica inyak kuso̱k ma i nar ike̱ng iya a tá tuus.” aYeso tú ku tak ba anong, ne a ma fe̱ ye, “Aner afe a ta be ato kufok a ra fok.”