aMatiyu 13:22 - Izere New Testament

²² Íca'me iya i tá kpas kaye̱e̱r ikiritsan nye aner a ta fok rife̱'me, amma ke izen iya ne kudaam kusor kazatse be kushim kurum tu ku daam ne a beseng.

aMatiyu 13:22 Referans Kwoze

1 aTimoti 6:17

Tak áya a ta be kurum kaye̱e̱r kazatse na be agbang kuto̱ ye sang á tu ya kuka be kurum ba baꞌ, ka á tin te aye̱ natoon kurum ba baꞌ, kuya ku tana gang koakye izen. Amma á rin te aye̱ na Adakunom aya a tin nyesek yir koakye ike̱ng kpe̱ iya yir tanin fok yir kusas'e.

aLuka 8:14

Íca'me iya i ta kpas kaye̱e̱r ikiritsan nye áner aya a ta fok rife̱ Adakunom, a ra ya kasho̱o̱n nusor'e baꞌ, kamok á ti daam be ike̱re̱ kazatse na, ne kutse̱r kurum ne kusor kutek.

aLuka 12:15

Ne aYeso fe̱ be ba ye, “Sak yin riye̱, ne i nye yin tatan be koakye kuri amaan kuye̱re̱k, kamok kube ike̱ng whe̱r ne kunye kusor kutek baꞌ.”

2 aTimoti 4:10

kamok aDemas min won kamok kushim kazatse na, nong a tá be na aTasalonika, aKirishen be na aGalati, aTitus be aDalmatiya.

aMatiyu 13:7

Íca'me íkak kpas kaye̱e̱r ikiritsan ne ikiritsan'e ku te̱ne̱ng ba kurasak.

aLuka 12:21

“Anong ne i tà se be koangan afe a tá tusung rice wu ike̱re̱, Adakunom tú di kyo̱ndi arum baꞌ.”

aLuka 21:34

“Sak yin riye̱, so̱. Sang tu won yin kuso̱ ike̱re̱ ne kuya kanu be kushim ike̱re̱ kazatse na ta sok kuto̱ro̱ng yin baꞌ, sang ke anong baꞌ, kunom'e tin be̱ ni yin niburum.

Itomong Ámanzo 8:18

Nizen iya aSaminu tá di a tú ku shining be Kabik kamok ámanzo ti saas ibo̱k nace ba, yong a tú ku no̱o̱k ba itso̱m

aMatiyu 12:32

Koangan ne a fe̱ amaan rife̱ natoon Igon Anerawe a tù ku re̱ng'e, amma aner aya ne a fe̱ imaan'e natoon Kabik Kazhe̱l'e, a tù ku re̱ng rine̱n riyong nigaan'e baꞌ, ko kyo̱o̱rna ko nasho̱o̱n.

aMatiyu 13:39

Ne amudo̱n aya a ta nas naya'me nye Ishetan. Ishamang'e nye izen afe kazatse tana gang, ne áfe kutse̱k'e nye ámaleka.

aMatiyu 13:40

“Kyo̱ndi a ta tusung agam nong a ta te nuro̱ng, anong ne i ta se nizen kazatse tana gang.

aRom 12:2

Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

1 aKoranti 1:20

To̱, afe a ta fe̱ ye wu be kukyem se ake̱ e̱? Afe a ta ren ike̱ng se ake̱ e̱? Afe a ta ren kuya nanan afe izam iyu se ake̱ e̱? Adakunom n sak ritseng afe kukyem kazatse na sor rifunam tsek aꞌa?

1 aKoranti 2:6

Gip be anong, yir fe̱ yir rife̱ riya ri ta nye rife kukyem kuri rife áner á tan kyem ánerawe nabik sang kuri rife ágwo̱m kazatse ka kuri kufe áner izam na áya a tana wei baꞌ.

1 aKoranti 2:8

Akak kaye̱e̱r ágwo̱m izam iyu kyem a ren kukyem'me baꞌ, ke á fa fe̱ ye ba ren ke ba tigak Agwo̱m Ágwo̱m yir a ta se yiik baꞌ.

1 aKoranti 3:18

Sang tu naka wo̱ro̱k yin baꞌ. Ke akak di ye wu be ritseng kaye̱e̱r yin nizam iyu, a ra sok rice wu kyo̱ndi wu be ritseng baꞌ, nong ase̱ a ta kpa ritseng.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

aGalati 1:4

Wu aYeso aya a tá no̱o̱k rice wu kamok rine̱n yir, nong a tin shesh yir kaye̱e̱r amaan izam na. Iyu se anong kaye̱e̱r kushim Adakunom a ta nye Ada yir.

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.