aMatiyu 13:17 - Izere New Testament

¹⁷ Katsak'e ne mi ta ka tak yin, áner kuzarap whe̱re̱ ne áya a ta se gye̱r nasho̱o̱n Adakunom shim ke á di ike̱re̱ yin ta ye̱re̱k yin, á ra di baꞌ, ne á foos ike̱re̱ yin ta foos yin, á ra fok baꞌ.

aMatiyu 13:17 Referans Kwoze

aYohana 8:56

Ada yin Ibrahim nye riye̱ rikan kamok a tá izam mi, ayong a di, a nye riye̱ rikan.”

Ibrani 11:13

Áner na kus cice̱r kaye̱e̱r kuno̱o̱k katsak ba. Ba shan ike̱ng iya Adakunom ta fe̱ be ba ye á ta ka no̱o̱k ba be rice ba baꞌ. Igak á ta di gugo̱k tsek ne á nye riye̱ rikan. Á shim ye ba nye átsen nazatse.

aLuka 10:24

Won ta ka tak yin, áner kuzarap Adakunom be ágwo̱m whe̱re̱ shim ke á ye̱re̱k ike̱re̱ yin ta sen ye̱re̱k yin'e na, amma á kyem á di baꞌ, ne á shim ke á foos ike̱re̱ yin ta sen foos yin'e na, amma á kyem á foos baꞌ.”

aLuka 10:23

Ayong aYeso kirik nufe álimazhiri wu nong a ta fe̱ be ba kyo̱o̱n nukim ye, “Áner riye̱ rikan nye áya a ta di ike̱re̱ ife yin ta sen ye̱re̱k yin'e na.