aMatiyu 13:14 - Izere New Testament

¹⁴ Aser, kuzarap Ishaya te shining natoon ba, ku ta fe̱ ye, “ ‘Yin tà foos yin gye̱r, yin tà ra ren yin ike̱ng iya a tin fe̱ baꞌ, ko cie̱k; Yin tà ye̱re̱k yin gye̱r, yin tà ra di yin baꞌ, ko cie̱k.

aMatiyu 13:14 Referans Kwoze

2 aKoranti 3:14

Amma ánerawe'me tá shonong, yong ma katuur ike̱ng ikak kuse i tu ku te̱ne̱ng ba kudi katsak'ong kaye̱e̱r kushu kuzen. Ike̱ng ku naka kis ma kyo̱o̱rna an wuruk baꞌ, kamok a kyem a tun baꞌ, ma ke be aKiristi tsek.

aLuka 8:10

aYeso tú tak ba ye, “A ma ka no̱o̱k yin kukyem kuren ike̱re̱ rigwo̱m Adakunom i ta se nune̱re̱ng, amma be ákak mi ta fe̱ ne i ninye kumaas, nong a se̱ “ ‘Á ta ye̱re̱k gye̱r tatan, amma á tà ra di baꞌ. Á tà foos gye̱rtatan, á tà ra ren ike̱ng iya á tin fe̱ baꞌ.’

aMarkus 4:12

nong a ta shining rife̱ Ishaya, a tá fe̱ ye, “ ‘Á tà yiir iye̱re̱k'e amma á ta ren baꞌ, ne á yiir ifoos'e amma á ta ren ike̱ng'e baꞌ, Ke anong baꞌ, á ta shishing kuse ba nong a tù ku re̱ng ba rine̱n ba.’ ”

aRom 10:16

Amma sang aner Isarela cice̱r ne a shan Rife̱ Ritek'e baꞌ. Kyo̱ndi Ishaya ta fe̱ ye, “Agwo̱m Ágwo̱m, angan ti no̱o̱k katsak rife̱ yir e̱?”