aMatiyu 13:12 - Izere New Testament

¹² Aner afe a ta be ike̱ng, a tú ku barang mo, nong i ta se̱ whe̱re̱. Aner afe a ta be baꞌ, cie̱k wu ta be'me gip, a tin shan ni wu.

aMatiyu 13:12 Referans Kwoze

aMatiyu 25:29

Kamok koangan afe a ta be ike̱ng, a tu ku barang mo nong i ta se̱ whe̱re̱. Aner'e a ta be baꞌ, ihiir'e wu tá be'ong gip a tin shan ni wu.

aLuka 8:18

Kamok anong, ni sak yin riye̱ be ike̱ng yin ta foos yin. Aner aya a ta be ike̱ng iya a tú ku barang mo, afe a ta be baꞌ kaban ike̱ng wu ta di ye wu be gip, a tin shan ni wu.”

Ike̱ng a ta tonong aYohana 2:5

Yiring be karo̱ afe wan tú ku se nizham wan tá ra kpa. Shishing kuse wan ne i nye ike̱re̱ iya wan tà nye ime̱se̱ng'e. Ke wan shishing kuse wan baꞌ, to̱, mi saase tà be̱ sok ike̱ng iya a tin te kuro̱ng wan naro̱ a tu ku saas.

aLuka 16:25

“Amma Ibrahim fe̱ be wu ye, ‘Igon'i, yiring nizen wan tá se nazatse, wan se̱ ike̱re̱ itek, aLazarus so̱ risam. Kyo̱o̱rna a sen fok kusas kusor aze, ne wan ma sen so̱ amaan risam.

aMatiyu 21:43

“Kamok anong, won ta ka tak yin, a tin shan rigwo̱m Adakunom nufe yin nong a tà no̱o̱k áya a tana nye kunye kutek.

aLuka 16:2

Ayong arum'e yis aner a tin sak riye̱ nike̱re̱'me nong a tú ku rip ye, ‘Akye̱ kuri rife̱ ne mi foos natoon wan e̱? Ni tonong itomong wan tá nye. Wan tà ba ni nye itomong baba baꞌ.’

aLuka 10:42

Ike̱ng izining ne i nye igbang'e nusor wan. aMarya n kasa iya i ta se gye̱r, ka akak tin shan baꞌ.”

aLuka 9:26

Koangan afe a ta fok isum mi be rife̱ mi, Igon Anerawe ta fok isum wu nizen iya wu tana be̱ kaye̱e̱r kuyiik wu be kuyiik Ada wu ne kufe ámaleka azhe̱l'e.

aMarkus 12:9

“aYeso tú ku ri ba ye, ‘To̱, akye̱ ne atek riko̱'me ta ma nye e̱?’ A ta tseng nong a ta se fe̱s áner wu tú ku ko̱bo̱k ba riko̱'me, ne a won riko̱'me nubo̱k áner ákak ze̱e̱r.

aLuka 12:48

Afe a tá ren ike̱ng atekasa wu'me tá shim baꞌ, ke a nye ike̱ng i ta tas ke a ku whereng, a tu ku whereng cie̱k tsek. Kamok koangan ne a tú ku no̱o̱k whe̱r, a ma shim ke a se̱ whe̱r nufu. Aner aya a tú ku won'e whe̱r, a shim ke a bun a se̱ whe̱re̱ nubo̱k wu.

aYakub 4:6

Amma a ti barang ku ni nye yir ritek, kamok anong ne rife̱ Adakunom fe̱ ye, “Adakunom shim afe kuka baꞌ, amma a nye afe a ta mees rice ba ritek.”