aMatiyu 13:11 - Izere New Testament

¹¹ aYeso fe̱ be ba ye, “Yin a ta no̱o̱k yin kukyem kuren ike̱re̱ rigwo̱m kaza, ike̱re̱ i ta se nune̱re̱ng. Amma ba a tu shim ba'me baꞌ.

aMatiyu 13:11 Referans Kwoze

1 aKoranti 2:14

Aner aya a be Kabik Adakunom baꞌ, a ta shim ike̱re̱ i ta nye ife Kabik baꞌ kamok ike̱re̱ Kabik'e sor rifunam nufu. A ta kyem a ren ike̱ng Kabik'e tin fe̱ baꞌ, kamok aner aya a ta be kabik tsek ne a ta kyem a ren.

aMatiyu 19:11

aYeso fe̱ be ba ye, “Sang koangan ne a ta shim kubo̱so̱p na baꞌ, ma aner aya Adakunom tu ku shim ba'me.

aYakub 1:5

Ke akak yin be kukyem kuren ikeng baꞌ, a ra rip Adakunom, afe a ta no̱o̱k koangan washak. A tu ku no̱o̱k be riye̱ rizining sang be aye̱ afa baꞌ.

1 aYohana 2:27

Amma yin, yin n se̱ yin Kabik Kazhe̱l'e nufe aYeso kaya ka ta sor be yin koakye izen. Kamok anong yin ba tse̱r yin aner akak a tana ka bo̱so̱p yin'e baꞌ. Kabik wu tà ka bo̱so̱p yin ike̱re̱'me ife katsak cei. Kukasa wu tin kasa yir nye katsak, ku nye kufe abo̱o̱s baꞌ. Kyo̱ndi a tá ka bo̱so̱p yin'e ye i ra sor yin kaye̱e̱r aYeso.

1 aYohana 2:20

Amma yin, yin se̱ yin Kabik Kazhe̱l'e kamok Adakunom tá ka kasa yin. Kamok anong cice̱r yin, yin ren yin ike̱re̱ i ta nye katsak.

aMatiyu 16:17

aYeso fe̱ be wu ye, “aSiman igon aZhona, wan nye aner riye̱ rikan kamok sang anerawe ne a ta tonong iyu baꞌ, ma ke Ada mi afe a ta se kaye̱e̱r kaza ne a ta ka tonong.

Afisa 1:9

Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

Afisa 5:32

Iyuna nye agbang ike̱ng i tana ro̱ yin tana ren yin, amma mi ti fe̱ natoon aKiristi be áfikuus.

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

aLuka 8:10

aYeso tú tak ba ye, “A ma ka no̱o̱k yin kukyem kuren ike̱re̱ rigwo̱m Adakunom i ta se nune̱re̱ng, amma be ákak mi ta fe̱ ne i ninye kumaas, nong a se̱ “ ‘Á ta ye̱re̱k gye̱r tatan, amma á tà ra di baꞌ. Á tà foos gye̱rtatan, á tà ra ren ike̱ng iya á tin fe̱ baꞌ.’

1 aKoranti 15:51

Wesek yin kuto, mi tà ka tak yin ike̱ng ikak i tá se de̱s baꞌ. Sang cice̱r yir ne i ta tsang i mereng yir ida baꞌ, amma cice̱r yir ne a tà shishing kuro̱m yir,

1 aKoranti 2:7

Wayo, yir fe̱ yir itak kukyem Adakunom kuya ku ta se nune̱re̱ng, kuya anerawe ta ren baꞌ, kuya Adakunom tá tsang a sak kum ni ime̱se̱ng'e nong ase̱ yir tin se̱ yir kuyiik.

aYohana 6:65

Iyong a ya kasho̱o̱n be rife̱ ye, “Iyu ne i sak mi tá ka tak yin ye, akak ta kyem a be̱ nunaan baꞌ, ma ke Ada'me tú se̱ mo.”

1 aTimoti 3:9

Á ra nyeseng be agap natoon kunik kuno̱o̱k katsak a tin tonong yir dim be riye̱ rizining.

1 aKoranti 13:2

Ko mi fa nye kuzarap, ne i ren koakye ike̱ng iya i ta se nune̱re̱ng, ne i be kukyem kuren koakye ike̱ng, ne ko mi fa be kuno̱o̱k katsak dide̱ng ma i kyem i fe̱ be rifan ye tseng aza ne ri tseng, amma sang ke mi ra be kushim baꞌ, to̱, i nye ye mi nye ike̱ng ikak baꞌ.

aMarkus 4:11

Ayong aYeso fe̱ be ba ye, “A ma ka no̱o̱k yin kukyem kuren ike̱re̱ rigwo̱m Adakunom i ta se nune̱re̱ng, amma ba áfe a ta se nufang, koakye ma be kumaas,

aKolosi 2:2

Mi nye anong, nong ase̱ ba ta se̱ kutsesek kaye̱e̱r aye̱ ba, ne kushim kugung rice, kamok a nong á ta se̱ agbang kurum'ong, ku ta nye kuren ike̱ng cei, nong á ta ren kanye̱k Adakunom ka ta se nune̱re̱ng ka ta nye aKiristi.

Afisa 6:19

Nye yin aduwa kamok'i gip, nong ase̱ Adakunom tin no̱o̱k ike̱ng iya mi tana fe̱ nong mi tà taas ánerawe Rife̱ Ritek riya ri ta se nune̱re̱ng dar inyim dim.

1 aKoranti 4:7

Angan ta sak wan ta nar akak e̱? Akye̱ ne wan be a ta won dar a ka no̱o̱k e̱? Ke i nye ye a tá no̱o̱k koakye ike̱ng iya wan ta be, to̱, akye̱ sak wan ta ya kuka kyo̱ndi a tá no̱o̱k baꞌ e̱?

1 aKoranti 4:1

Kamok anong ni sok yir kyo̱ndi ásam aKiristi, áya Adakunom tú ku won ba ike̱re̱ wu iya i ta se nune̱re̱ng nubo̱k.

aYohana 7:17

Aner aya a ta shim a ta nye ike̱ng iya Adakunom ta shim, a ta ren ye kubo̱so̱p'i ne nufe Adakunom, sang kufe rice mi.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

Afisa 1:18

Mi bun i nye aduwa ye Adakunom ra ka karak yin aye̱ nong yin tin barang yin kuren ike̱ng i ta sak yin tin te yin riye̱ ni ike̱ng wu tá ka yis mo yin, ku ta bun kunye, kurum wu agbang kuya ázhe̱l'e tana ya kutse'me.

Itomong Ámanzo 16:14

Abining akak kaye̱e̱r áya afe a tin foos yir nye aLidiya. A nye abafe aTiyatira'me, a re̱e̱s ares a ta be itso̱m, a be inyim Adakunom.

aMatiyu 13:10

Iyong álimazhiri wu be̱ nufu nong á tu ku rip ye, “Akye̱ sak wan fe̱ ne i ninye kumaas e̱?”

aMatiyu 20:23

Ayong aYeso fe̱ be ba ye, “Yin ta so̱ yin gye̱r, amma kusor nubo̱k riya ka nubo̱k rimen, i nye karo̱ mi tana no̱o̱k akak baꞌ. Ada mi ne a nye karo̱ kayong kamok áya wu tá tsang a kasa.”

aMarkus 10:40

Yin ta so̱ yin gye̱r, amma kusor nabas kubo̱k riya mi ka nabas kubo̱k rimen'i, i nye karo̱ mi tana no̱o̱k akak baꞌ. Naro̱ nayong nye nafe áya a ta nye kanye̱k'e kamok ba.”

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.