aMatiyu 12:41 - Izere New Testament

⁴¹ Katuk amok, áner aNineve tà fe̱ be ánerawe izam iyu ye, yin nye yin amaan ike̱re̱. Yin shishing yin kuse yin baꞌ, amma yir shishing yir kuse yir be rife̱ aZhona. Di yin akak a ta nar aZhona na aze.

aMatiyu 12:41 Referans Kwoze

aMatiyu 12:42

Katuk amok, abining a tá nye agwo̱m aSheba tà dorok a tà fe̱ be ánerawe izam iyu ye yin nye yin amaan ike̱re̱, kamok wu ta ne ma nigang kazatse nong a ta be̱ foos kukyem aSolomon. To̱, di yin akak a ta nar aSolomon na aze.

Ibrani 11:7

Natoon kuno̱o̱k katsak ne aNuhu ti kpa inyim izhe̱l'e nizen iya a tú ku ko̱ro̱k kuto natoon ike̱re̱ wu tan di baꞌ. A no̱k kukpara ashi a tin shesh áfekari wu. Kuno̱o̱k katsak aNuhu sak a tak kazatse rine̱n ba, aNuhu tà sor aya kutse kamok a se gye̱r nasho̱o̱n Adakunom, kuya a ta se̱ natoon kuno̱o̱k katsak.

aRom 2:27

Aner aya a tú ku nye izhak baꞌ, amma ne a kuus Itsi'me gye̱r, wu tà ka to̱ amok, wan afe i ta ren Itsi i tan nye izhak gye̱rtatan i ra kuus ike̱ng iya Itsi'me ta fe̱ baꞌ.

aYohana 3:31

“Aya a ta ne naza nar koangan. Koangan afa a ta kaye̱e̱r kazatse nye afe kazatse'me, ne a fe̱ rife̱ ike̱re̱ kazatse'me. Aya a ta ne kaye̱e̱r kaza nar koangan cice̱r.

aMatiyu 12:6

Won ta ka tak yin, aka afe a ta nar kuro̱ kuya Adakunom iben na aze.

aYohana 4:12

Wan nar ada yir aYakub'a aya a tin won yir ribong na a? Wu be inoon wu ne ike̱re̱ kasa wu so̱ ashi aze gip.”

aLuka 11:32

Katuk igang'e áner aNineve tà nyeseng be áner izam iyu nasho̱o̱n Adakunom, ne á tonong ye ánerawe'me nye ámaan'e. Kamok ba shishing kuse ba be rife̱ aZhona tú ku taas ba. To̱, kyo̱o̱rna afe a ta nar aZhona na aze!

aMatiyu 23:36

Katsak'e ne mi ta ka tak yin, cice̱r ike̱re̱ na ta se̱ áner izam na.

aMatiyu 17:17

Ayong aYeso fe̱ be wu ye, “Kaꞌ yin ánerawe izam na i tá shonong yin, yin be yin kuno̱o̱k katsak baꞌ. Ma ane̱ ne mi ta sor mak be yin e̱? Ma ane̱ ne mi ta naka mak tsesek be yin e̱? Be̱e̱n yin be acam'me aze.”

aMatiyu 16:4

Ámaan anerawe, áfe a ta won katsak áfe izam iyu shim a ta di itomong azhing, amma a ta ka nye ba'me baꞌ, ma ke ife aZhona.” Ayong aYeso dorok a tú ku won ba á ta tseng.

aMatiyu 12:45

I tà ku bun nong i ta se yis amaan nabik nakak kanataar naya na ta nye namaan'e ne na ku nar. Ne i no̱ i ta sor azong. Ne kuse aner'e te kumaan'e ne ku nar kufe ime̱se̱ng'e. Anong ne i ta se be ámaan anerawe izam iyu.”

aMatiyu 12:39

aYeso fe̱ be ba ye, “Ámaan aner izam na a ta shonong, i ta shim a ta ye̱re̱k ike̱re̱ azhing á ta ra ku nye ba'me baꞌ, ma ke ife aZhona aner kuzarap.