aMatiyu 12:35 - Izere New Testament

³⁵ Aner atek fe̱ ike̱re̱ itek, wu tan tusung kaye̱e̱r riye̱ wu ne amaan aner fe̱ ike̱re̱ imaan'e, wu tan tusung kaye̱e̱r riye̱ wu.

aMatiyu 12:35 Referans Kwoze

aKolosi 4:6

Won rife̱ yin tu sas kufok nong ase̱ yin ta ren yin kuri iren iya yin tana fe̱ yin be koangan aya a tana ka nye yin kurip.

aKolosi 3:16

Won rife̱ aKiristi tu nyeseng be agap dide̱ng kaye̱e̱r aye̱ yin, ne i naka bo̱so̱p yin'e, ne i naka nyesek yin ibo̱ro̱ng, be koakye kuri kukyem, ne i bom yin abom aZabura, ne i kerek yin Adakunom, ne i bom yin abom afe a ta nye afe Kabik, ne i nye yin riye̱ rikan kaye̱e̱r aye̱ yin be Adakunom.

aMatiyu 12:34

Yin naban afomong yin i ta nye yin amaan'e, yin ta san yin ane̱ ta fe̱ yin ike̱ng itek e̱? Ike̱ng i ta se kaye̱e̱r riye̱ aner ne i wuruk nanu wu.

Afisa 4:29

Sang akpe̱de̱ng rife̱ tu wuruk kaye̱e̱r kanu yin baꞌ, amma fe̱ yin rife̱ ritek riya ri tana no̱o̱k ákak kuya kasho̱o̱n natoon ike̱ng ba ta sen tse̱r'e nong áfe a ta ka foos'e ta se̱ kutobok.

aMatiyu 13:52

Ayong aYeso fe̱ be ba ye, “Kamok anong, koangan aner kubo̱so̱p Itsi aya a ta mu ku tak itak rigwo̱m kaza se kyo̱ndi atekasa a tana turung ike̱re̱ izen be ifas wu tan tusung nong a tin nye itomong.”

aMatiyu 7:17

Anong ne ise, koakye ritin kakon katek tes kutes kutek, ne amaan kakon tes kutes kumaan'e.

aLuka 6:45

Aner atek fe̱ Rife̱ Ritek kamok kuto̱ro̱ng wu nye kutek, amma amaan aner fe̱ amaan rife̱ kamok kuto̱ro̱ng wu tá nye kumaan'e. Kamok ike̱ng iya i ta se kaye̱e̱r riye̱ ne i wuruk nanu.”