aMatiyu 12:34 - Izere New Testament

³⁴ Yin naban afomong yin i ta nye yin amaan'e, yin ta san yin ane̱ ta fe̱ yin ike̱ng itek e̱? Ike̱ng i ta se kaye̱e̱r riye̱ aner ne i wuruk nanu wu.

aMatiyu 12:34 Referans Kwoze

aLuka 6:45

Aner atek fe̱ Rife̱ Ritek kamok kuto̱ro̱ng wu nye kutek, amma amaan aner fe̱ amaan rife̱ kamok kuto̱ro̱ng wu tá nye kumaan'e. Kamok ike̱ng iya i ta se kaye̱e̱r riye̱ ne i wuruk nanu.”

aMatiyu 15:18

Amma ike̱re̱ i ta wuruk nanu anerawe nes kaye̱e̱r riye̱ wu, iyong ne i sak anerawe ta won dar a se zhe̱l.

Afisa 4:29

Sang akpe̱de̱ng rife̱ tu wuruk kaye̱e̱r kanu yin baꞌ, amma fe̱ yin rife̱ ritek riya ri tana no̱o̱k ákak kuya kasho̱o̱n natoon ike̱ng ba ta sen tse̱r'e nong áfe a ta ka foos'e ta se̱ kutobok.

1 aYohana 3:10

Ana ne yir tà ren yir áya a ta nye inoon Adakunom be inoon Ishetan. Koangan afe a ta nye ike̱ng i ta se gye̱r baꞌ, ka aya a ta shim aronyining wu afikuus baꞌ, a nye igon Adakunom baꞌ.

aMatiyu 12:35

Aner atek fe̱ ike̱re̱ itek, wu tan tusung kaye̱e̱r riye̱ wu ne amaan aner fe̱ ike̱re̱ imaan'e, wu tan tusung kaye̱e̱r riye̱ wu.

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

aMatiyu 23:33

“Yin íwhen, naban afomong, yin ta nye yin ane̱ ta whe̱r yin amok kasa kuro̱ng e̱?

aMatiyu 3:7

Nizen wu tá di áner aFarisi be áner aSadusi whe̱re̱ tá be̱s naro̱ wu tá se be kunye abatisma'me, a fe̱ be ba ye, “Yin naban áfomong, angan tá tak yin ye, i ru ku teng yin amok Adakunom a tà saase e̱?

aLuka 3:7

aYohana fe̱ be rigwo̱m ánerawe a tá be̱s nufu nong a tu ku nye ba abatisma ye, “Yin naban afomong! Angan tá tees yin ye i ra teng yin amok Adakunom a tà saase e̱?

Afisa 5:4

Ka a tu fok amaan kunye, ka akpe̱de̱ng rife̱ ka ame̱rzhe̱k rife̱ kaye̱e̱r yin baꞌ, kamok i se gye̱r a ta foos rife̱ kuri riyong kaye̱e̱r yin baꞌ, amma ban yiir tonong yin Adakunom riye̱ rikan ingya.

aYakub 3:2

Yir cei i taam yir niren ze̱r ze̱r, ke akak taam nikeng iya wu ta fe̱ baꞌ, i nye ye wu se ryong, a ta kyem a nisak riye̱ rice wu cei.