aMatiyu 12:32 - Izere New Testament

³² Koangan ne a fe̱ amaan rife̱ natoon Igon Anerawe a tù ku re̱ng'e, amma aner aya ne a fe̱ imaan'e natoon Kabik Kazhe̱l'e, a tù ku re̱ng rine̱n riyong nigaan'e baꞌ, ko kyo̱o̱rna ko nasho̱o̱n.

aMatiyu 12:32 Referans Kwoze

aMarkus 3:29

Amma koangan ne a zhe̱e̱sh Kabik Kazhe̱l'e, a tù ku re̱ng rine̱n riyong nigaan'e baꞌ. A nye agbang rine̱n ri tana sor ma izen izen.”

aYohana 7:39

aYeso ti fe̱ natoon Kabik Kazhe̱l'e, aya áfe a tin no̱o̱k katsak ni wu tana se̱ nasho̱o̱n. Nizen iyong, a tsang a no̱o̱k Kabik Kazhe̱l'e baꞌ, kamok a tsang a tiyiik aYeso kaye̱e̱r kaza baꞌ.

1 aTimoti 1:13

Mi tsang i nye aner kuzhe̱e̱sh Adakunom gye̱rtatan ne i tabak áfikuus ne i nye awan kuren, gip be anong Adakunom tin tonong kuro̱ riye̱ kamok mi nye kaye̱e̱r kudun kuren sang mi tsang i ni no̱o̱k katsak na aYeso baꞌ.

aTitus 2:12

Ritek'e ti bo̱so̱p yir iren kufe̱ ye, wayo be kuse kuri kuya Adakunom ta shim baꞌ, ne amaan kushim ike̱re̱ kazatse, nong ta yiir yir rice yir, ne i se yir zhe̱l ne i be yir kuse kuri kufe Adakunom kaye̱e̱r izam iyuna.

Afisa 1:21

Azong ne aKiristi ti nye rigwo̱m natoon áfe rigwo̱m ne ágwo̱m ne áfe agap ne koakye kuri ike̱ng iya a tin te riyerek nasho̱o̱n, amma ma izen izen.

Itomong Ámanzo 3:19

Kamok anong, shishing yin kuse yin tu ku bun yin nufe Adakunom nong ase̱ a ta ka re̱ng yin rine̱n yin. Yin ta se̱ yin agap afe Kabik nufe Agwo̱m Ágwo̱m,

aLuka 12:10

Koangan ne a fe̱ imaan'e natoon Igon Anerawe a tu ku re̱ng'e, amma aner aya ne a zhe̱e̱sh Kabik Kazhe̱l'e a tu ku re̱ng'e baꞌ.

aMatiyu 12:31

Kamok anong, mi shim ta ka tak yin, koakye kuri rine̱n ne ánerawe nye ka kuzhe̱e̱sh Adakunom, a tù ku re̱ng'e, amma aner aya ne a zhe̱e̱sh Kabik Kazhe̱l'e, a tù ku re̱ng riyong nigaan'e baꞌ.

1 aTimoti 1:15

Rife̱ a tá fe̱ ye, “aYeso Kiristi be̱ kaye̱e̱r kazatse nong a ta shesh áfe rine̱n,” ri nye katsak ne ri nye ike̱ng kushan cice̱r kamok kaye̱e̱r áfe rine̱n cice̱r mi ne i nar'e.

aYohana 7:12

Kaye̱e̱r rigwo̱m ánerawe'me ákak fe̱ cucuk natoon aYeso. Ákak fe̱ ye, “A nye aner atek.” Ne ákak fe̱ ye, “Wayo, a wo̱ro̱k ánerawe.”

aLuka 23:34

Ne aYeso fe̱ ye, “Ada, ku re̱ng ba'me, kamok á ren ike̱ng ba ta nye baꞌ.” Ne á kasap ares wu be ku ni barak ica ikiriwhe̱r.

aMarkus 10:30

ike̱ng iya a tana se̱ nizen iyu, i ta nar anong kutak kuso̱k inyak whe̱r, be nasa, ne áronyining, ángasnyining, ángo̱, inoon, ako̱, amma mak be kutabak. Nama anong nasho̱o̱n kutser kufe izen izen.

aYohana 7:52

Ayong á fe̱ be wu ye, “Wan nye aner aGalili'me gip a? Fa rife̱ Adakunom ta di, aner kuzarap kun wuruk na aGalili baꞌ.”

aLuka 7:34

Igon Anerawe be̱, a ya ne a so̱, yong yin fe̱ yin ye, ‘A mak a yas, ne a nye rime̱ be áfe kushashang itso̱m iben ne “áfe rine̱n.” ’

aMatiyu 11:19

Igon Anerawe be̱ a yas ne a so̱, yong ba fe̱ ye a ma ka yas ne a so̱, ne a nye rime̱ be áfe kushashang itso̱m iben ne áfe rine̱n. Gip be anong mi di kukyem Adakunom be itomong wu.”

aMatiyu 13:55

Igon akapinta na aꞌa? Ango̱ wu ne a nye aMarya aꞌa, áronyining ne a nye aYakub be aYusufu ne aSiman be aZhud aꞌa?

aMatiyu 8:20

aYeso fe̱ be wu ye, “Áromong be ibong á tin no̱o̱s ne nanon be are̱, amma Igon Anerawe be karo̱ a tanin sak rice wu baꞌ.”

aMatiyu 12:8

Kamok Igon Anerawe ne ka nye Agwo̱m Ágwo̱m natoon Asabar.”

aMatiyu 13:22

Íca'me iya i tá kpas kaye̱e̱r ikiritsan nye aner a ta fok rife̱'me, amma ke izen iya ne kudaam kusor kazatse be kushim kurum tu ku daam ne a beseng.

aMatiyu 13:39

Ne amudo̱n aya a ta nas naya'me nye Ishetan. Ishamang'e nye izen afe kazatse tana gang, ne áfe kutse̱k'e nye ámaleka.

aMatiyu 13:40

“Kyo̱ndi a ta tusung agam nong a ta te nuro̱ng, anong ne i ta se nizen kazatse tana gang.

aMarkus 3:28

“Katsak ne mi ta ka tak yin, koakye kuri rine̱n ne ánerawe tá nye ka azhe̱e̱sh Adakunom ayi, a tù ku re̱ng ba'me.

aLuka 16:8

“Atekasa'me kerek aner a tin sak riye̱ nike̱re̱ ame afe sang a ta be katsak ame baꞌ, kamok a tá nye ritse̱ng. Kamok ánerawe kazatse na se tse̱ng tse̱ng ninye ike̱ng ba be áfe a ta se kyo̱ndi ba ne a nar áfe a ta se na akanang.

aLuka 18:30

nong a tana won dar a se̱ ike̱ng i ta nar whe̱r kyo̱o̱rna ne nizen a tana se̱ kutser kufe izen izen nasho̱o̱n baꞌ.”

1 aTimoti 4:8

Kamok kutabak kuro̱m se gye̱r nizen ikak, amma kutabak kabik anerawe se gye̱r ne ku nar'e kamok ku ta ka tobok kaye̱e̱r kusor kyo̱o̱rna be kusor kufe kasho̱o̱n nama riku.

1 aTimoti 6:17

Tak áya a ta be kurum kaye̱e̱r kazatse na be agbang kuto̱ ye sang á tu ya kuka be kurum ba baꞌ, ka á tin te aye̱ natoon kurum ba baꞌ, kuya ku tana gang koakye izen. Amma á rin te aye̱ na Adakunom aya a tin nyesek yir koakye ike̱ng kpe̱ iya yir tanin fok yir kusas'e.

2 aTimoti 4:10

kamok aDemas min won kamok kushim kazatse na, nong a tá be na aTasalonika, aKirishen be na aGalati, aTitus be aDalmatiya.

aYakub 1:27

Kuren katsak Adakunom kuya Ada yir Adakunom ta sok ye kunye kujel'e nye, ku nisak riye̱ ni nakpiin be akumung kaye̱e̱r risam ba, ne i yiir rice wan fan kazatse ba ka sak ta wondar I se jel.