aMatiyu 12:31 - Izere New Testament

³¹ Kamok anong, mi shim ta ka tak yin, koakye kuri rine̱n ne ánerawe nye ka kuzhe̱e̱sh Adakunom, a tù ku re̱ng'e, amma aner aya ne a zhe̱e̱sh Kabik Kazhe̱l'e, a tù ku re̱ng riyong nigaan'e baꞌ.

aMatiyu 12:31 Referans Kwoze

aLuka 12:10

Koangan ne a fe̱ imaan'e natoon Igon Anerawe a tu ku re̱ng'e, amma aner aya ne a zhe̱e̱sh Kabik Kazhe̱l'e a tu ku re̱ng'e baꞌ.

Ibrani 10:29

Ke itak'e se anong, akye̱ kuri ike̱ng ne yin di yin ye a tá nye be áner aya a ta zhe̱e̱sh Igon Adakunom ne á nye kpe̱de̱ng be naso̱k na tú ku kusu ba kyo̱ndi na se zhe̱l baꞌ, a fe̱ imaan'e natoon Kabik Kazhe̱l'e kafe ritek Adakunom e̱?

Ibrani 10:26

Asidaka akak ba bun a kuse kamok rine̱n yir ke yir ya kasho̱o̱n be kunye rine̱n nama a tá min tonong yir katsak'e baꞌ.

Itomong Ámanzo 7:51

“Yin áfe i ta shonong yin, be aye kyo̱ndi kuta, aya ato yin ta se nikpa! Yin tas yin átukop yin. Yin gaar ku kuus yin rife̱ Kabik Kazhe̱l'e koakye izen.

1 aYohana 5:16

Ke akak di aronyining wu sen nye rine̱n riya ri tana tseng be wu riku baꞌ, ne wu ku nye aduwa ne Adakunom shesh aner'e. Mi fe̱ natoon aya afe a ta nye rine̱n riya ri tana won dar ka sak ba a ta kus. Amma rine̱n rikak kuse ri ta sak anerawe ta ku nabik. Sang mi fe̱ ye ma a ra nye aduwa kamok aner kuri ayong baꞌ.

1 aYohana 1:9

Amma ke yir taas yir Adakunom rine̱n yir, a tin re̱ng yir'e kamok wu be katsak ne a be kuse kutek, ne a ni kusu yir kaye̱e̱r koakye ike̱ng imaan'e.

Ibrani 6:4

Áya á ta tsang á ren akanang'e, á tan fok kunang Adakunom, áya a ta gung rice be Kabik Kazhe̱l'e,