aMatiyu 12:17 - Izere New Testament

¹⁷ Iyu se anong, nong a tá shining ike̱ng Ishaya aner kuzarap tá fe̱ ye,

aMatiyu 12:17 Referans Kwoze

aYohana 12:38

A nye anong, nong a tá shining rife̱ Ishaya aner kuzarap tá zibir ye, “Agwo̱m Ágwo̱m, angan ti no̱o̱k katsak rife̱ yir e̱? Nufe angan ne a tonong kukyem Agwo̱m Ágwo̱m e̱?”

aMatiyu 21:4

Iyu se anong, nong a ta shining ike̱ng aner kuzarap tá fe̱ ye,

aMatiyu 13:35

aYeso nye anong, nong a ta shining ike̱ng aner kuzarap akak ta fe̱ ye, “Mi tà fe̱ kanu be kumaas nizen iya mi ta sen fe̱ be ba. Mi tù ku taas ba ike̱re̱ iya a tá tsang a ka ne̱r ba'me gbugbang kum nizen a ta nye kazatse.”

Itomong Ámanzo 13:27

Áner aUshalima be ágwo̱m ba cice̱r ren ye aYeso ne a nye aner kashesh ba. Gip be anong, nizen iya a tú ku fe̱r, á shining rife̱ aner kuzarap riya a ta fa koakye Asabar.

aYohana 19:28

Nama anong, aYeso tá ren ye kyo̱o̱rna a n gang koakye, nong ase̱ a tá shining ike̱ng iya Kufumung Adakunom tá fe̱ yong aYeso fe̱ ye, “Kuto̱ mi n koor.”

aYohana 10:35

Ke a tu yis ba ye adakunom to̱, nufe angan ne rife̱ Adakunom'me be̱ e̱? Rife̱ Adakunom'me nye abo̱o̱s baꞌ.

aLuka 24:44

Ne a fe̱ be ba ye, “Ike̱ng mi ta ka tak yin'ong, kum ne mi rusek be yin, ye ma a shining koakye i ta se ni izibir natoon'i kaye̱e̱r Itsi aMusa tá zibir be afumung áner kuzarap Adakunom ne aZabura.”

aLuka 21:22

Kamok iyu ne i nye izen a tana to̱ ánerawe amok nong a ta shining ike̱ng iya a tá zibir.

aMatiyu 8:17

A nye anong, nong a ta shining ike̱ng iya Ishaya aner kuzarap tá zibir ye, “A sok iro̱k yir cice̱r ne a ni sak yir ta sor yir dar kuro̱k.”

aMatiyu 12:16

A tú ku ko̱ro̱k ba kuto ye, sang á tu tak akak ka wu nye angan e̱ baꞌ.

aMatiyu 12:18

“Asam mi na aya mi tá kasa, aya mi ta shim ne i be riye̱ rikan be wu, mi tù ku shining be Kabik mi, a tà taas áner aya sang a ta nye àner aYahuda baꞌ, itak amok mi.