aMatiyu 12:15 - Izere New Testament

¹⁵ aYeso ta ren anong, iyong a dorok a tá won karo̱ kayong. Ánerawe whe̱re̱ tú kuus ne sak áfe iro̱k te atser cei.

aMatiyu 12:15 Referans Kwoze

aMatiyu 10:23

Ke á ta tabak yin nuwo̱p kukak, to̱, ne yin teng yin ta be yin kaye̱e̱r kuwo̱p kukak. Katsak'e ne mi ta ka tak yin, nizham yin tà ra gang yin kugorok iwo̱p Isarela cice̱r Igon Anerawe ta tsang ka be̱.

aYohana 11:54

Kamok anong, aYeso ba tseng de̱s kaye̱e̱r ánerawe aYahuda baꞌ. A tú ku bun nuwo̱p kukak a tá yis ye, aEfirem bubarak be katse, naro̱ wu tú ku sor be álimazhiri wu.

aYohana 7:1

Nama anong, aYeso tsang a gorok aGalili. Amma shim a tá tseng kaye̱e̱r aYahudiya baꞌ, kamok áner aYahuda á tá se azong shim a tú ku fe̱r.

aMatiyu 19:2

Ánerawe whe̱re̱ tú ku kuus, ne a sak áfe iro̱k tá te atser.

aMarkus 6:56

Koake̱ ne aYeso no̱, ni iwo̱p izhizhe̱k'e be igbang'e ne ife ikim'me, a se̱s áfe iro̱k ánerawe tan meres na naro̱ rizhik. Á tú nye izong ye, a ru ku won ba nong a ta ras kanu kukpiin wu, ne áya a ta ras cice̱r te atser.

1 aBitrus 2:21

Kamok kuri risam'ong ne Agwo̱m Ágwo̱m tá yis mo yin. aKiristi gip a so̱ risam kamok yin. Be anong ne a tá won mo yin ane̱ wu nong tà kuus yin.

aGalati 6:9

Kamok anong sang tu ro̱n yir be kunye kutek baꞌ, kamok izen saase ife i tana se̱ yir ishorong itomong yir, ke yir te yir wa baꞌ.

aYohana 9:4

Yir ta ya yir kasho̱o̱n be kunye itomong aya a tin tom dim. Kamok izen saase karo̱ tana te whi, akak ta ba kyem a nye itomong baꞌ.

aLuka 6:12

Katuk kakak, kaye̱e̱r inom iyong aYeso ngarak natoon kawhanang nong a tá nye aduwa. A ko̱so̱ i nye aduwa'me.

aLuka 5:22

aYeso tá ren ike̱ng iya ba ta to̱ kaye̱e̱r aye̱ ba yong a fe̱ be ba ye, “Kamok akye̱ yin to̱ yin anong kaye̱e̱r aye̱ yin e̱?

aLuka 9:11

Ánerawe whe̱re̱ tá fa fok itak'e, yong á tú kuus. A tú nye ba adazha be kube̱. Ayong a tá ka tak ba rife̱ natoon rigwo̱m Adakunom, ne a sak áfe iro̱k tá te atser.