aMatiyu 12:12 - Izere New Testament

¹² Anerawe nar itsamang be kuyiik aꞌa? Kamok anong i nye rine̱n nong a ta nye ike̱ng itek katuk Asabar baꞌ.”

aMatiyu 12:12 Referans Kwoze

aMatiyu 6:26

Ye̱re̱k yin nanon ta di yin, ba tse̱k ka á tusung ni ingme̱ baꞌ, amma gip be anong, Ada yin afe a ta se kaye̱e̱r kaza tu ta ba. Yin tu ku nar yin ba yiik aꞌa?

aLuka 6:9

aYeso fe̱ be ba ye, “Won mi ta ka rip yin. Akye̱ ne Itsi Adakunom fe̱ natoon Kunom Asabar e̱? I se gye̱r a ta nye ike̱ng itek ka a ta nye ike̱ng imaan'e e̱? I se gye̱r a ta shesh kutser ka a ta fe̱r e̱?”

aMarkus 3:4

Ne aYeso rip ánerawe'me ye, “Akye̱ ne ise gye̱r a ta nye kunom Asabar e̱? I se gye̱r a ta nye ike̱ng itek ka a ta nye ike̱ng imaan'e e̱? I se gye̱r a ta shesh kutser ka a ta fe̱r e̱?” Iyong á te ba gbik.

aMatiyu 10:31

Kamok anong sang yin tu fok yin inyim baꞌ; yin be yin kuyiik dide̱ng ne i nar yin nanon dide̱ng.

aLuka 12:24

Ye̱re̱k yin nanon ta di yin. Ba tuus ka á tse̱k baꞌ. Ba be karo̱ i saas naya ka ingme̱ baꞌ, gip be anong Adakunom tu nyesek ba naya. Shita yin i ta nar yin nanon yiik.

aLuka 14:1

Katuk Asabar akak, nizen aYeso tá tseng nong a tà se yas numa ako̱k kasho̱o̱n aner aFarisi akak, ánerawe tú ye̱re̱k kyur kyur.