aMatiyu 11:7 - Izere New Testament

⁷ Nizen álimazhiri aYohana'me tú ku bun, aYeso san i taas rigwo̱m ánerawe'me itak natoon aYohana. “Nizen iya yin tá wuruk yin ni iwe̱ng, yin se di yin akye̱ e̱? Yin tseng yin i ta se di yin agam aso̱p'ong kuwun ta fe̱se̱m a?

aMatiyu 11:7 Referans Kwoze

aYakub 1:6

Amma izen iya ne a rip, a ra no̱o̱k katsak dim dar agak riye̱, kamok aner aya a ta be agak riye̱ se kyo̱ndi agung ashi isho̱ng kuwun ta kap.

aYohana 5:35

aYohana se kyo̱ndi apitila aya a tá ya, a tá se kanang, yin ti nye yin riye̱ rikan be akanang wu nizen cie̱k.

Afisa 4:14

Yir ta ba se yir kyo̱ndi inoon nazhizhe̱k'e, á tana kuzim ba baꞌ, a ta ka zim ba aze be aza be koakye kuri kubo̱so̱p ne kuri rife̱ ritse̱ng a tin wo̱ro̱k ánerawe baꞌ.

aLuka 8:18

Kamok anong, ni sak yin riye̱ be ike̱ng yin ta foos yin. Aner aya a ta be ike̱ng iya a tú ku barang mo, afe a ta be baꞌ kaban ike̱ng wu ta di ye wu be gip, a tin shan ni wu.”

aMatiyu 21:25

aYohana se̱ iren kunye abatisma wu ake̱ e̱? A se̱ naza ka nufe anerawe e̱?” Iyong á san ibo̱ro̱ng awan ba ne á fe̱ ye, “Ke yir fe̱ yir ye, ‘I ne naza,’ a tin rip yir ye, ‘To̱, akye̱ sak yir ti no̱o̱k yir katsak ni wu baꞌ e̱?’

aMatiyu 3:5

Ánerawe aUshalima be áfe íwo̱p aYahuda cice̱r áfe a tá se nikyim Isho̱ng aUrdun ame cice̱r be̱s nufu.

aYohana 1:38

aYeso kirik a tu di ba á ta sen ku kuus ne a ku rip ba ye, “Yin tse̱r yin akye̱ e̱?” Ne ba fe̱ ye, “aRabbi (i ta sor Aner Kubo̱so̱p), wan sor ake̱ e̱?”

aMatiyu 11:8

Ke anong baꞌ, to̱, yin tseng i ta se di yin akye̱ e̱? Aner a tan te ares atek a? Wayo, aner kasa rigwo̱m ne a tes ares atek.

aMatiyu 12:20

A tà bur ike̱ng i tan te gordok baꞌ, ko a tà riming kuro̱ng kuya ku tan be̱ barak ku ta ku baꞌ, ma katsak'e wuruk kanang.