aMatiyu 11:3 - Izere New Testament

³ nong á tá su ku rip ye, wu ne a nye aya a tá fe̱ ye, a ta be̱ ame ka ba ra tor akak ze̱e̱r e̱?

aMatiyu 11:3 Referans Kwoze

aYohana 11:27

Ayong aMarta fe̱ be aYeso ye, “Ei, wan nye Agwo̱m Ágwo̱m, mi ti no̱o̱k katsak ye wan ne i nye aKiristi'me, Igon Adakunom, aya a tá fe̱ ye a tà be̱ nazatse.”

Ibrani 10:37

A tu won cie̱k tsek, “Aya afe a ta saase tà be̱, a tà sok izen baꞌ.

aYohana 7:31

Gip be anong, ánerawe dide̱ng ti no̱o̱k katsak na aYeso ne á fe̱ ye, “Nizen iya aKiristi'me, a tà nye itomong azhing iya i ta nar iyuna a?”

aYohana 6:14

Ánerawe tá di itomong azhing iya aYeso tá nye ayong á rife̱ ye, “Katsak'e, ayu ne a nye Aner Kuzarap aya a ta se ye a ta be̱ kaye̱e̱r kazatse.”

aYohana 16:14

A tin tiyiik, kamok a tà kok ike̱re̱ iya i ta nye inaan ne a ka taas yin.

aYohana 12:13

Ayong á bo̱s afumung atarkai nong á tá tseng á tá se nyim be wu, ne á tang kuto̱ naza ye, “Nakerek nye nafe Adakunom. Aner riye̱ rikan ne nye aya a ta be̱ kaye̱e̱r riyerek Agwo̱m Ágwo̱m! Aner riye̱ rikan ne nye Agwo̱m Isarela.”

aYohana 4:21

Ne aYeso fe̱ be wu ye, “Ni no̱o̱k katsak ni mi, aner abining, izen saase ife yin tana ya yin Ada'me iben nawhanang na ka na aUshalima baꞌ.

aLuka 19:38

Ne á fe̱ ye, “Aner riye̱ rikan nye a nye agwo̱m aya a ta saase kaye̱e̱r riyerek Agwo̱m Ágwo̱m. kameneng riye̱ kuse kaye̱e̱r kaza ne kuyiik nye kufe Adakunom.”

aMarkus 11:9

Áya afe a ta se nasho̱o̱n ne áya a tú ku kuus nama tsang á ta sak ye, “Nakerek nye nafe Adakunom!” “Aner riye̱ rikan nye aya a ta saase kaye̱e̱r riyerek Agwo̱m Ágwo̱m.”

aMatiyu 21:9

Rigwo̱m ánerawe á ta se nasho̱o̱n aYeso'me áfe a tu ku kuus nama tang kuto̱ naza ye, “Nakerek nye nafe Igon aDauda! Aner riye̱ rikan ne a nye afe a ta be̱ kaye̱e̱r riyerek Agwo̱m Ágwo̱m! Nakerek nye nafe aya a ta se naza!”

aMatiyu 21:5

“Tak yin ángas aUshalima ye, ‘Di, yin agwo̱m yin saase nufe yin. A se whiwhe̱, an ngarak natoon igon azhaki.’ ”

aMatiyu 11:4

aYeso fe̱ be ba ye, “Kubun yin ta se tak yin aYohana ame ike̱ng iya yin tá di yin ne i foos yin:

aMatiyu 11:10

Ayu ne a nye aya a tá zibir itak natoon wu ye, “ ‘Di, mi ta tom atom mi nasho̱o̱n wu aya a tana ka nye iren.’