aMatiyu 11:29 - Izere New Testament

²⁹ Kuus yin ike̱ng iya mi ta fe̱, i bo̱so̱p yin nunaan, kamok mi se whiwhe̱ ne i be kabik kumees rice, yin ta se̱ yin kameneng riye̱.

aMatiyu 11:29 Referans Kwoze

1 aYohana 2:6

Aner aya a ta fe̱ ye wu sor kaye̱e̱r Adakunom ta sor kyo̱ndi aYeso tá sor dim.

aYohana 13:15

Mi ta tonong yin ike̱ng ife yin tana kuus yin, yin gip tà nye yin anong.

aMatiyu 7:24

“Kamok anong, koangan afe a ta fok rife̱ mi na, a ti nye itomong, a ta se kyo̱ndi aner rino̱k aya a ta be ritseng, aya a tá no̱k kasa wu natoon agudong.

Ibrani 5:9

Nizen iya a tá ma shining gye̱r, ne a ma sor iren kutser kufe izen izen nufe koangan aya a ta kuus ike̱ng iya a ta fe̱.

2 aKoranti 10:1

Mi aBulus be rice mi, mi ta nye yin izong, mi aya ánerawe ti sok ye, “Aner kumees rice” ke mi se mak be yin, amma “Aner ku firik ánerawe” ke mi se be yin baꞌ. Mi ta nye yin izong kaye̱e̱r kumees rice be kuse kutatan aKiristi,

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

aFilipi 2:5

Kuse yin tu se kyo̱ndi kufe aYeso Kiristi.

aMatiyu 21:5

“Tak yin ángas aUshalima ye, ‘Di, yin agwo̱m yin saase nufe yin. A se whiwhe̱, an ngarak natoon igon azhaki.’ ”

2 aKoranti 10:5

Yir yirik yir nanan be koakye kuri ike̱ng ife kuka ta be nong a tin te̱ne̱ng kuren Adakunom ne i nye yir koakye kuri ike̱ng iya i tana sak kuto̱ro̱ng ánerawe ta sor áfe ku kuus rife̱ aKiristi.

1 aTasalonika 4:2

Yin ren yin kuri ike̱re̱ yir tá fe̱ yir be yin be agbang kuto̱ kamok kukyem Agwo̱m Ágwo̱m yir aYeso.

aYohana 13:17

Kyo̱o̱rna, yin tá ren yin ike̱re̱ na, yin tà sor yin áfe riye̱ rikan ke yin kuus yin.

aMatiyu 17:5

Kum ne a ru fe̱ kanu, kune̱n kukak ku ta se kanang be̱ ku tú kis ba ne kuto̱ kukak wuruk naza ye, “Ayu ne a nye Igon'i kaya mi ta shim. Mi fok kasas wu dide̱ng. Ku fok yin kuto.”

2 aTasalonika 1:8

A tà nees áya a tá raba Adakunom ne á gaar kukuus Rife̱ Ritek Agwo̱m Ágwo̱m yir aYeso.

1 aKoranti 9:21

Nizen iya mi ta se be áya a ta kuus Itsi baꞌ, mi sok rice mi i ta te kyo̱ndi áya Itsi tin be ike̱ng ikak natoon ba baꞌ, (Sang i se ye Itsi Adakunom won dar i ni be ike̱ng ikak rice mi baꞌ, Wayo, mi kuus Itsi aKiristi), nong ta korok aye̱ áya a ta kuus itsi'me baꞌ.

Itomong Ámanzo 7:37

“Wu aMusa'me yong ne a fe̱ be áner Isarela ye, ‘Adakunom tà ka tom yin aner kuzarap akak kaye̱e̱r yin aner Isarela kyo̱ndi a tin tom.’

aLuka 8:35

Iyong ánerawe wuruk nong á tá di ike̱ng iya i tá nye, á tá fa be̱ nufe aYeso, ne á di aner ítseng tan wuruk kaye̱e̱r wu ame nusonong natak aYeso. An te ares nong a tá mu ku bun gye̱r kyo̱ndi aner aya rice wu ta se rizining, yong inyim tú ro̱ ba.