aMatiyu 11:12 - Izere New Testament

¹² Kum nizen aYohana aner abatisma ma kyo̱o̱rna rigwo̱m kaza so̱ risam, ákardak aner'e shim a tin shan.

aMatiyu 11:12 Referans Kwoze

aLuka 16:16

“A taas ánerawe Itsi aMusa ne rife̱ áner kuzarap Adakunom agbugbang'e ma nizen aYohana aner abatisma. Amma kum a ta taas Rife̱ Ritek natoon rigwo̱m Adakunom, koangan gaas karo̱ nong a ta no̱ kaye̱e̱r'e.

aLuka 13:24

“Nye yin koakye yin tana kyem i nye yin nong tà no̱ yin nanu kutu ka ta se whe̱. Won tà ka tak yin, ánerawe whe̱re̱ ta shim kuno̱, á tà ra kyem á no̱ baꞌ.

aFilipi 2:12

Kamok anong, ároneng áya mi ta shim, kyo̱ndi yin tan me̱ ne i ni fok yin ato, ko mi tu se mak be yin baꞌ, to̱, kyo̱o̱rna mi se mak be yin baꞌ. Ya yin kasho̱o̱n be kunye itomong kutonong kashesh yin be kufok inyim Adakunom ne ku sor kutek.

aYohana 6:27

Sang tu so̱ yin risam ni itomong naya nafe na tana beseng baꞌ, amma nye yin itomong natoon naya nafe na tana no̱o̱k kutser kufe izen izen. Iyuna ne i nye kuri naya Igon Anerawe tana ka no̱o̱k yin. Kamok Ada yir Adakunom min te izizo̱ wu ni wu.”

aMatiyu 3:15

Amma aYeso fe̱ be wu ye, “I se gye̱r ta nye yir anong; kamok be anong ne a tá shining yir ike̱ng iya Adakunom ta shim.” Ayong aYohana tú ku shim'me.

aMatiyu 11:11

“Katsak'e ne mi ta ka tak yin, kaye̱e̱r kazatse a kun tes aner akak a tá nar aYohana aner abatisma yiik baꞌ. Gip be anong aya a ta nye ahiir'e kaye̱e̱r rigwo̱m kaza tu nar yiik.

aMatiyu 11:13

Kamok áner kuzarap cice̱r ne Itsi aMusa nye kuzarap ma aYohana tá ra be̱.

aYohana 5:4

Be anong ne ba tor a ta be̱ a buruk ashi. Kamok nizen ikak amaleka man ne a tiik nong a ta be̱ buruk ashi'me. Kum aner aya afe a ta san i no̱ nashi'me, nama a tan buruk, ne a wor a te atser kaye̱e̱r kuro̱k wu.