aMatiyu 11:11 - Izere New Testament

¹¹ “Katsak'e ne mi ta ka tak yin, kaye̱e̱r kazatse a kun tes aner akak a tá nar aYohana aner abatisma yiik baꞌ. Gip be anong aya a ta nye ahiir'e kaye̱e̱r rigwo̱m kaza tu nar yiik.

aMatiyu 11:11 Referans Kwoze

aLuka 7:28

“Mi ta ka tak yin, kaye̱e̱r kutes ányining, akak kuse a tá nar aYohana baꞌ, gip be anong, aya a ta nye igang'e kaye̱e̱r rigwo̱m Adakunom tu nar yiik.”

Afisa 3:8

Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

aYohana 1:15

aYohana fe̱ itak natoon wu. A tá kuto̱ nong a tá fe̱ ye, “Ayu ne a nye aya mi tá fe̱ itak natoon wu nizen iya mi tá fe̱ ye, ‘Aya a tana be̱ nama mi, a ti nar, kamok wu tuse nizham a tá rin tes.’ ”

aMatiyu 5:19

Koangan ne a won ike̱ng ikak ihiir'e kaye̱e̱r Itsi na nong a ta bo̱so̱p ánerawe'me anong, a tù ku yis ye, kaba hiir'e kaye̱e̱r rigwo̱m kaza, amma aner aya ne a ta kuus ike̱re̱'me cei ne a bo̱so̱p ánerawe'me anong, a tù ku yis ye, agbang aner kaye̱e̱r rigwo̱m kaza.

aMatiyu 3:11

“Mi ta nye yin abatisma be ashi nong i ta tonong ye yin n shishing yin kuse yin. Amma aner a tana be̱ nama mi ti nar be kukyem, aya mi tana kyem i ra akpatak wu gum baꞌ. A tà ka nye yin abatisma be Kabik Kazhe̱l'e ne kuro̱ng.

aLuka 9:48

Ne a fe̱ be ba ye, “Aner aya ne a shan igon kahiir'e kyo̱ndi kayu kaye̱e̱r riyerek'i, i nye ye a ti shan. Aner aya ne a ti shan, i nye ye a shan aya a tin tom, kamok aner afe a ta mees rice wu ye wu raar kaye̱e̱r yin cei, wu ne a nye ayiik'e ne a nar.”

1 aBitrus 1:10

Natoon kashesh'ong áner kuzarap áya a ta ka taas yin natoon ritek riya Adakunom ta fe̱ ye a ta ka no̱o̱k yin, ba ti nye kuye̱re̱k dide̱ng nong ase̱ a ta ren kashesh Adakunom kaya yir tin fe̱ yir na.

Ibrani 11:40

Adakunom tsang a nye kanye̱k ike̱ng ikak kamok yir nong ase̱ mak be yir ne ba tà shining.

1 aKoranti 15:9

Mi ti raar kaye̱e̱r ámanzo, mi kyem a tin yis ye amanzo gum baꞌ kamok mi tabak áfikuus dide̱ng.

1 aKoranti 6:4

Kamok anong ke yin be yin rife̱ natoon ike̱re̱ kuri iyong, ne yin kasa yin akak kaye̱e̱r yin nong a ta te afe kuto̱ amok, aner'e tu nye aner aya a tan kyem ike̱ng ikak kaye̱e̱r afikuus baꞌ.

aYohana 10:41

Ánerawe whe̱re̱ be̱s nufu. Áner'e fe̱ ye, “aYohana nye itomong azhing baꞌ, amma ike̱re̱ wu tá fe̱ cice̱r natoon aner na nye katsak.”

aYohana 3:30

Ma wu te garang dim, ne mi te hiir.”

aYohana 5:35

aYohana se kyo̱ndi apitila aya a tá ya, a tá se kanang, yin ti nye yin riye̱ rikan be akanang wu nizen cie̱k.

aYohana 1:27

Wu ne a nye aya a tana be̱ nama mi, idun akpatak wu mi ta kyem i bis baꞌ.”

aYohana 7:39

aYeso ti fe̱ natoon Kabik Kazhe̱l'e, aya áfe a tin no̱o̱k katsak ni wu tana se̱ nasho̱o̱n. Nizen iyong, a tsang a no̱o̱k Kabik Kazhe̱l'e baꞌ, kamok a tsang a tiyiik aYeso kaye̱e̱r kaza baꞌ.

Afisa 2:3

Yir cice̱r, yir i tsang i se yir kyo̱ndi ba gip ne i shim kunye yir ike̱re̱ imaan'e iya aye̱ yir ta shim ne i kuus yir kuse be kuto̱ro̱ng yir. Kyo̱ndi koangan ta se, be anong kaye̱e̱r kuse rinerawe yir gip riye̱ kubeseng Adakunom se natoon yir kyo̱ndi ri ta se natoon ba gip.

2 aTimoti 1:10

Amma kyo̱o̱rna a ti tonong yir'e be kube̱ Aner Kashesh yir, aYeso Kiristi. Wu ne a canang riku ne a ni tonong yir kutser kufe izen izen kanang be Rife̱ Ritek.

aLuka 1:15

Kamok a tà se yiik nasho̱o̱n Adakunom, a tà so̱ kugbe̱re̱ ka ike̱ng iya i tana ku sak a tà feng baꞌ. A tú ku shining be Kabik Kazhe̱l'e kum nutes wu.

aMatiyu 3:1

Nizen iyong aYohana aner abatisma be̱ a san kutaas rife̱ Adakunom katse ni iben aYahuda.

aMatiyu 11:10

Ayu ne a nye aya a tá zibir itak natoon wu ye, “ ‘Di, mi ta tom atom mi nasho̱o̱n wu aya a tana ka nye iren.’

aMatiyu 11:12

Kum nizen aYohana aner abatisma ma kyo̱o̱rna rigwo̱m kaza so̱ risam, ákardak aner'e shim a tin shan.