aMatiyu 11:1 - Izere New Testament

¹ Nama aYeso tá gang kutaas alimazhiri wu kuso̱k be afa'me ike̱re̱ ba tana nye, iyong a dorok a tá be niben aGalili nong a ta tsang a bo̱so̱p ánerawe'me ne a ku nye ba awazi kaye̱e̱r iwo̱p ba'me.

aMatiyu 11:1 Referans Kwoze

Itomong Ámanzo 10:38

Adakunom shining aYeso a ta nye afu Nazaret be Kabik Kazhe̱l'e ne kukyem. aYeso tsang a tseng koake̱ ne a tsang a nye ritek ne a tsang a sak áner aya a tá se nubo̱k Ishetan te atser kamok Adakunom se ma be wu.

aLuka 8:1

Nama anong, aYeso tsang a tseng ni iwo̱p igbang'e be izhizhe̱k'e, ne a taas Rife̱ Ritek natoon rigwo̱m Adakunom, álimazhiri kuso̱k be afa ame se mak be wu.

aMatiyu 9:35

Nama anong aYeso tsang tseng na agbang iwo̱p ne izhizhe̱k'e cice̱r, ne a nye awazi kaye̱e̱r atu aduwa ba. Ne a ku taas ba Rife̱ Ritek natoon rigwo̱m Adakunom ne a sak áfe iro̱k ze̱r ze̱r te atser.

2 aTasalonika 3:10

Kum nizen iya yir ta rusek yir be yin, yir fe̱ yir be agbang kuto̱ ye, “Ke anerawe rawu kunye itomong, to̱, sang a tu ya naya baꞌ.”

2 aTasalonika 3:6

Ároneng, kaye̱e̱r riyerek Agwo̱m Ágwo̱m yir aYeso Kiristi, yir fe̱ yir be yin be agbang kuto̱ ye, yin ra kam yin be áronyining yin áya a ta be karuur sang á ta kuus ike̱ng iya yir tá ka bo̱so̱p yin'e baꞌ.

1 aTasalonika 4:2

Yin ren yin kuri ike̱re̱ yir tá fe̱ yir be yin be agbang kuto̱ kamok kukyem Agwo̱m Ágwo̱m yir aYeso.

Itomong Ámanzo 10:42

A ti sak yir ta taas yir ánerawe rife̱ Adakunom. A bun a fe̱ ye yir ra ka taas yir ba ye wu ne a nye aya Adakunom tan sak nong a ta to̱ áner aya a ta nye atser be áya a tan kus amok.

Itomong Ámanzo 1:2

ma katuk'a a tú ku sok a tá tseng kaye̱e̱r kaza. Nizham a tá ra ku sok a tá tseng kaye̱e̱r kaza, a ti nye itomong be Kabik Kazhe̱l'e nong a fe̱ be agap be ámanzo aya wu tá kasa.

aYohana 15:14

Yin nye yin áferime̱ mi ke yin kuus yin Itsi mi.

aYohana 15:10

Ke yin kuus yin Itsi mi, yin tà sor yin kaye̱e̱r kushim'i, kyo̱ndi mi tá kuus Itsi Ada mi ne i sor kaye̱e̱r kushim wu.

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

aMatiyu 7:28

Nizen aYeso tá gang kufe̱ anong, iyong rigwo̱m ánerawe ame te zhing be kubo̱so̱p wu,

aMatiyu 4:23

aYeso gorok kaben aGalili cice̱r ne a bo̱so̱p ánerawe'me kaye̱e̱r atu aduwa ba, ne a ku taas ba Rife̱ Ritek natoon rigwo̱m kaza. Ne a sak áfe iro̱k iriri me tá te atser.

1 aTimoti 6:14

wan rinye itomong be rife̱ na zhe̱l ka dar narik ma nizen iya Agwo̱m Ágwo̱m yir aYeso Kiristi tana be̱.

aMarkus 6:12

Anong ne á dorok nong á tá se taas anerawe ye á ru shishing kuse ba.

aLuka 23:5

Amma ánerawe'me yiir'e kar kar ye, “Aye̱ ánerawe niben aYahuda cei n dorok naza be kubo̱so̱p wu. A san'e na aGalili yong a n be̱ ma aze.”