aMatiyu 10:6 - Izere New Testament

⁶ Tseng yin nufe itsamang Isarela iya i ta wei.

aMatiyu 10:6 Referans Kwoze

1 aBitrus 2:25

Kamok yin tsang i se yin kyo̱ndi itsamang iya i ta te shaam, amma kyo̱o̱rna yin mu ku bun yin nufe Afek ne Ako̱k Kasho̱o̱n kutser yin.

Itomong Ámanzo 13:46

Iyong aBulus be aBarnabas fe̱ be ba be riye̱ rizining ye, “Gye̱r ke yir san ku ka taas yin rife̱ Adakunom nizham. Kum yin ta gaar yin i ta tonong yin kaye̱e̱r kuse yin ye yin raar yin tana se̱ yin kutser kufe izen izen, iyong ne i sak ta ka won yin i ta kirik nufe áner aya a ta nye áner aYahuda baꞌ.

Itomong Ámanzo 3:26

Nizen iya Adakunom tá kasa asam wu, a tú ku tom nufe yin ni ime̱se̱ng'e nong a tá ka te yin ritek ne a sak koangan kaye̱e̱r yin ta shishing kuse nong a tá won amaan kunye wu.”

aMatiyu 18:10

“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

Itomong Ámanzo 26:20

Ni ime̱se̱ng'e, mi san kutaas áner aDamaskus rife̱ Adakunom ne áya a ta se na aUshalima ne áfe iben aYahuda cice̱r. Mi bun i taas áya sang á ta nye áner aYahuda baꞌ, ye á ra shishing kuse ba nong á tu ku bun nufe Adakunom ne á nye ike̱re̱ iya i tana tonong ye ba n shishing kuse ba.

Itomong Ámanzo 18:6

Amma nizen iya áner aYahuda tá gaar rife̱ aBulus ma á kpaan ku kukas. Kamok anong aBulus waar ares wu, a tá fe̱ be ba ye, “Rine̱n yin se rice yin. Mi be rine̱n akak rice mi ba'. Igang'e be katuur mi ba sen tseng nufe áya a ta nye áner aYahuda baꞌ.”

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

aMatiyu 18:11

[Kamok Igon Anerawe be̱ nong a ta shesh ike̱ng iya i tá wei.]