aMatiyu 10:5 - Izere New Testament

⁵ Aner kuso̱k be afa na aYeso tu tom ba ne a tá fe̱ ye, “Sang yin tu tseng yin nufe áner a tá nye aner aYahuda baꞌ, ka kaye̱e̱r kuwo̱p aner aSamariya kukak baꞌ.

aMatiyu 10:5 Referans Kwoze

aYohana 4:9

Abafe aSamariya ame fe̱ be wu ye, “Wan nye afu Yahuda ne mi nye abafe aSamariya, akye̱ sak wan tin rip ashi e̱”? (Kamok ike̱ng ikak gung áner aYahuda be afe aSamariya baꞌ.)

1 aTasalonika 2:16

A ti roon yir kutaas ánerawe áya a ta nye áner aYahuda baꞌ rife̱ Agwo̱m Ágwo̱m yir nong fan á bu se̱ kashesh. Be kunye anong ne ba ti barang kutusung rine̱n ba, amma kyo̱o̱rna riye̱ kubeseng Adakunom n min tiik natoon ba.

aLuka 17:16

A se kpa kaben nasho̱o̱n aYeso nong a tá tonong riye̱ rikan wu. Aner'e nye aner aSamariya.

Itomong Ámanzo 10:45

Áner aYahuda áya a tá nye áfikuus áya a tá be̱ mak be aBitrus te zhing nizen á tá di Kabik Kazhe̱l'e ti tiik natoon áner aya sang á nye áner aYahuda baꞌ, gip.

aLuka 9:2

A tú ku tom ba nong a ta se taas itak rigwo̱m Adakunom, ne á sak áfe iro̱k ta te atser.

Itomong Ámanzo 1:8

Amma izen iya ne yin shan yin kukyem nizen iya Kabik Kazhe̱l'e tanin tiik natoon yin, yin tà te yin áner aya tana fe̱ yin itak natoon'i, ta san yin rife̱'me kaye̱e̱r aUshalima, be na aYahudiya be na aSamariya ne ma nigang kazatse cei.”

aYohana 20:21

Ne aYeso bun a fe̱ be ba ye, “Kameneng riye̱ se mak be yin! Kyo̱ndi Ada'me tin tom, anong ne mi ma sen ka tom yin.”

aYohana 7:35

Áner aYahuda'me fe̱ awan ba ye, “Ake̱ ne wu be, yir tana kyem i tseng yir baꞌ e̱? Ka a be nufe ánerawe yir áya a ta te shaam á ta sor be áner aHeleni, nong a bo̱so̱p áner aHeleni'me a?

aYohana 4:5

Ayong a be̱ kaye̱e̱r kuwo̱p kukak na aSamariya a tá yis ye aSakar. Kuwo̱p'e se bubarak be riko̱ rikak aYakub tá no̱o̱k igon wu aYusufu gbugbang.

aLuka 10:33

Amma aner aSamariya akak a tá se be kutseng wu, a tá be̱ naro̱ aner ame tú ku se. A tá fa ku di ne a ro̱ riye̱ wu.

aMatiyu 4:15

“Kaben aZebulun ne kaben aNaptali, yin i tá se yin nabas agbang kudung, a ta tar Isho̱ng aUrdun. Ne kaben aGalili nabas aya sang a tá nye áner aYahuda baꞌ.

Itomong Ámanzo 8:1

Ashawulu se azong, a kuus kama kufe̱r Itifanus. Katuk'ong, a tabak áfikuus dide̱ng kaye̱e̱r aUshalima, ma cice̱r á te shaam, ákak be niben aYahudiya ne ákak be niben aSamariya, ámanzo tsek ne á tú ku won

aYohana 8:48

Ayong áner aYahuda ame fe̱ be aYeso ye, “Aser, yir fe̱ yir katsak yir tá fe̱ yir ye wan nye aner aSamariya aya a ta be amaan nabik a?”

aYohana 4:20

Atukop yir ya Adakunom iben aze nawhanang na, amma yin afe Yahuda fe̱ yin ye ma a ra ya Adakunom iben na aUshalima dim.”

aLuka 10:1

Nama anong, aYeso kasa áner iso̱k kanataar be afa nong a tú ku tom ba afufa afufa nasho̱o̱n wu ye á ru tseng kaye̱e̱r koakye kuwo̱p be ni naro̱ wu tana tseng cice̱r.

aMatiyu 22:3

A tom ásam wu ákak ye, á ra se yis áya a tu ku tak ba riye̱ rikan'e ye, á ra be̱ amma áner'e raba ku be̱.

aMarkus 6:7

Ayong a yis álimazhiri wu kuso̱k be afa ame nong a tú ku tom ba afufa afufa ne a ku no̱o̱k ba kukyem kuturung amaan nabik.

aLuka 9:1

aYeso tá yis kuso̱k be afa ame, a tú no̱o̱k ba kukyem kuturung koakye kuri ítseng, kufe ku ni sak áfe iro̱k tana te atser.

aYohana 17:18

Kyo̱ndi wan tin tom kaye̱e̱r kazatse, anong ne mi ka tom ba kaye̱e̱r kazatse.