aMatiyu 10:41 - Izere New Testament

⁴¹ Koangan afe a shan aner kuzarap ye kamok wu ta nye aner kuzarap, a ta se̱ ishorong áner kuzarap. Aner aya ne a shan aner azhe̱l'e ye kamok a ta nye azhe̱l'e, a ta se̱ ishorong aner azhe̱l'e.

aMatiyu 10:41 Referans Kwoze

Ibrani 6:10

Adakunom won dar a nye gye̱r baꞌ. A tà tiburum be itomong ne kushim yin tú ku tonong yin kuya yin tá tobok yin ánerawe wu baꞌ. Ne i ya yin kasho̱o̱n be kunye anong.

2 aYohana 1:8

Kamok anong sak yin riye̱, fan yin bin wei yin nishorong itomong yin, amma nong ta se̱ yin ishorong yin mumak nufe Adakunom.

1 aKoranti 9:17

A fa fe̱ ye mi taas Rife̱ Ritek aYeso kamok kushim riye̱ mi ke a min no̱o̱k ishorong'i. Sang mi nye kaye̱e̱r kushim riye̱ mi baꞌ, mi nye ike̱ng iya Adakunom tin sak ye i ra nye tsek.

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

aMatiyu 6:18

nong fan ánerawe bu ren ye wan sen nye azumi. Ada wan aya a tu ku ba, amma a di ike̱ng iya a tá nye nune̱re̱ng, ta ka no̱o̱k ishorong wan.

aRom 16:23

aGayus aya a tin sak kari wu, aya áfikuus cice̱r ta nyiis kari wu, ta nye yin ashou. Arastus a ta saas itso̱m agbang kuwo̱p ne aronyining yir aKpatus ta nye yin ashou.

aMatiyu 6:6

Amma ke wan tà nye aduwa, no̱ kaye̱e̱r kutu wan ne i whe̱e̱n kanukutu ne i nye aduwa wan be Ada wan aya a tu ku di baꞌ. Ada wan aya a ta di ike̱re̱ iya a tá nye nune̱re̱ng, tà ka no̱o̱k wan ishorong wan.

Itomong Ámanzo 16:15

Nizen iya a tú ku nye abatisma be áfekari wu, yong a fe̱ be yir ye i ra tseng yir kari wu. A fe̱ ye, “Ke yin ti sok yin ye mi min no̱o̱k katsak na Agwo̱m Ágwo̱m, to̱ ne yin tseng yin ta se sor yin kari mi.” A sak ma yir shim yir.

aMatiyu 6:4

nong ase̱ kutobok yin ta se nune̱re̱ng. Ada yin afe a ta di ike̱ng iya a tá nye nune̱re̱ng tà ka no̱o̱k yin ishorong yin.

aMatiyu 6:1

“Nye yin tatan, fan kunye kutek yin bu se nong ánerawe tà di. Ke yin nye yin anong yin ta se̱ yin ishorong nufe Ada yin aya a tase kaye̱e̱r kaza baꞌ.

aMatiyu 7:8

Kamok koangan afe a tá rip a tù ku no̱o̱k, koangan afe a tá tse̱r a ta se̱, koangan afe a tá tsor a tu ku karak'e.

aMatiyu 25:44

“Ne ba ma bun a fe̱ be wu ye, ‘Atekasa, nizing ne yir tá ka di yir be izong, ka be kuto̱ kukoor ka wan be̱ kyo̱ndi aner atsen, ka be kukpiin baꞌ, ka wan nye atser baꞌ, ka wan se nitso̱m, amma yir daam yir be wan baꞌ e̱?’

aMatiyu 25:45

“Ne a ma fe̱ be ba ye, ‘Katsak'e ne mi ta ka tak yin, kum yin ta nye yin ákak'e kaye̱e̱r áfe agap kuraar na baꞌ. Yin ti nye yin'e baꞌ.’