aMatiyu 10:40 - Izere New Testament

⁴⁰ “Koangan afe a ta ka shan yin a ti shan mi. Koangan afe a tin shan a shan aner aya a tin tom.

aMatiyu 10:40 Referans Kwoze

aYohana 13:20

Katsak'e ne mi ta ka tak yin, aner aya ne a shan koangan afe mi tu ku tom be riye̱ rizining, i nye ye a ti shan mi. Aya ne a ti shan be riye̱ rizining, i nye ye a shan aner aya a tin tom.”

aLuka 9:48

Ne a fe̱ be ba ye, “Aner aya ne a shan igon kahiir'e kyo̱ndi kayu kaye̱e̱r riyerek'i, i nye ye a ti shan. Aner aya ne a ti shan, i nye ye a shan aya a tin tom, kamok aner afe a ta mees rice wu ye wu raar kaye̱e̱r yin cei, wu ne a nye ayiik'e ne a nar.”

aLuka 10:16

“Aner aya a ta ka fok yin kuto, i nye ye a ti fok. Aner aya a ta ranyin, i nye ye a ti ramin. Aya a ti ramin, i nye ye a rawu aner aya a tin tom.”

aMatiyu 18:5

Koangan afa a ta shan igon kahiir'e kyo̱ndi kayu na kaye̱e̱r riyerek mi, mi ne ti shan.

2 aYohana 1:9

Katsak'e, mi ta ka tak yin, koangan afe sang a ta kuus kubo̱so̱p aKiristi ta shim baꞌ, a yiir nye ike̱re̱ wu ta shim tsek, an te azining be Adakunom baꞌ. Aner aya a ta yiir kuus kubo̱so̱p aYeso Kiristi an te azining be Ada ne aYeso Igon Adakunom'me.

aYohana 20:21

Ne aYeso bun a fe̱ be ba ye, “Kameneng riye̱ se mak be yin! Kyo̱ndi Ada'me tin tom, anong ne mi ma sen ka tom yin.”

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

1 aTasalonika 4:8

Kamok anong ke aner aya ne a gaar rife̱ na, sang a gaar anerawe baꞌ, amma a gaar Adakunom, aya a ta ka no̱o̱k yin Kabik wu Kazhe̱l'e.

aGalati 4:14

Kuro̱k'i sor ike̱ng kudaam nufe yin, gip be anong yin ti tonong yin akye̱re̱ ka kuzhe̱e̱sh baꞌ. Amma yin ban i ti shan yin ibo̱k ifa, kyo̱ndi mi nye amaleka Adakunom, ka mi ne i nye aYeso Kiristi'me.

aYohana 5:23

nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

aMarkus 9:37

“Koangan ne a shan igon kahiir'e kyo̱ndi kayu kaye̱e̱r riyerek'i, i nye ye a ti shan. Ne koangan afe a ti shan, i nye ye sang a ti shan tsek baꞌ, amma aya a tin tom.”

aMatiyu 25:45

“Ne a ma fe̱ be ba ye, ‘Katsak'e ne mi ta ka tak yin, kum yin ta nye yin ákak'e kaye̱e̱r áfe agap kuraar na baꞌ. Yin ti nye yin'e baꞌ.’

2 aKoranti 5:20

Kamok anong, yir nye yir áner á ta se rice aKiristi. Yir ta nye yin izong kaye̱e̱r riyerek aKiristi kyo̱ndi Adakunom be rice wu ne a sen fe̱ be yin ye, i ra te yin áferime̱ Adakunom.