aMatiyu 10:4 - Izere New Testament

⁴ be aSiman aya a tú ku yis ye aner a tá be rifuup kaben wu ne aYahuza Iskariyot aya a tá re̱p aYeso nama.

aMatiyu 10:4 Referans Kwoze

aMatiyu 26:14

Ayong azining kaye̱e̱r kuso̱k be afa ame aya a tú ku yis ye, aYahuza Iskariyot tseng nufe ágbang atsi.

aYohana 13:2

Nizen iya aYeso be álimazhiri wu ta se be iya naya katuk, Ishetan tsang i no̱ riye̱ aYahuza Iskariyot igon aSiman nong a tà no̱o̱k aYeso.

aYohana 6:71

(aYeso ti fe̱ na aYahuza, igon aSiman Iskariyot, aya a ta se kaye̱e̱r kuso̱k be afa'me, wu ne a tu ku re̱p.)

aMarkus 14:43

Nizen iya aYeso ta sen fe̱ anong ne aYahuza, azining kaye̱e̱r álimazhiri wu kuso̱k be afa ame, be̱ mak be ánerawe whe̱re̱ be ike̱re̱ kuren ne íshe̱n be áwe̱n itsor. Áya agbang átsi ne áner kubo̱so̱p Itsi ne áko̱k kasho̱o̱n ne á tú ku tom ba.

aMatiyu 26:47

Kum ne aYeso ru fe̱ kanu, aYahuza azining kaye̱e̱r alimazhiri kuso̱k be afa ame be̱ be rigwo̱m ánerawe whe̱re̱ be ítsor ne ishe̱n. Ágbang atsi ne áko̱k kasho̱o̱n ba ne á tu ku tom ba.

aLuka 22:47

Kum ne aYeso ru fe̱ kanu rigwo̱m ánerawe be̱, ne aner a tú ku yis ye aYahuza, a tá nye azining kaye̱e̱r álimazhiri kuso̱k be afa ame tú ko̱k ba kuse̱. A nyeseng bubarak be aYeso nong a tú ku kunung.

aLuka 22:3

Iyong Ishetan no̱ kaye̱e̱r riye̱ aYahuza, aya a tú ku yis ye Iskariyot, a tá nye azining kaye̱e̱r álimazhiri kuso̱k be afa.

aMarkus 14:10

Ayong aYahuza Iskariyot, azining kaye̱e̱r kuso̱k be afa ame tseng nufe ágbang atsi nong a tá su ku no̱o̱k ba aYeso.

aMatiyu 27:3

Nizen aYahuza aya a tá re̱p aYeso tá fok ye an te̱n aYeso amok riku, yong a nye riye̱ riwe. A tú bun nufe ágbang atsi ne áko̱k kasho̱o̱n ame nong a ta su ku no̱o̱k ba itso̱m azurfa iso̱k itaar á tá tsang a ku no̱o̱k.

Itomong Ámanzo 1:25

nong a ta te amanzo, aya a tana sok itomong iya aYahuza tá won nong a tá tseng a ko̱n wu.”

Itomong Ámanzo 1:13

Nizen iya ba tá no̱ na aUshalima, yong a wesek nutu katoon'e kuya ba tin sor kaye̱e̱r. Áner aya a tá no̱ nutu'me nye aBitrus be aYohana ne aYakub be Adarawus ne aFilibus ne aToma ne aBatalomi be aYakub a ta nye aro̱m Alfiyus be aSiman a tú ku yis ye aner a ta be rifup kaben wu, be aYahuda a tá nye aronyining aYakub.

aMatiyu 26:2

“Yin ren yin izen kunye riye̱ rikan aPasova a tu ku won inom ifa ne a nye nizen iyong ne a ta no̱o̱k Igon Anerawe nong a ta tigak.”

aMatiyu 26:15

A ta se fe̱ be ba ye, “Yin tin no̱o̱k yin akye̱, ke mi ta no̱o̱k yin aYeso'me e̱?” Iyong á tu no̱o̱k íca itso̱m a ta nye be azurfa iso̱k itaar.

aYohana 6:64

Gip be anong, ákak yin kuse áfe sang á tin no̱o̱k katsak baꞌ.” Kum ni ime̱se̱ng'e aYeso tsang a ren áya a tin no̱o̱k katsak baꞌ, be aya a tana ku re̱p.