aMatiyu 10:33 - Izere New Testament

³³ Aner aya ne a fe̱ nasho̱o̱n ánerawe ye, wu ti ren baꞌ, mi tà ma fe̱ ye, sang mi tu ren baꞌ, nasho̱o̱n Ada mi a ta se kaye̱e̱r kaza.

aMatiyu 10:33 Referans Kwoze

2 aTimoti 2:12

ke i naka tsesek yir, yir tà bun i nye yir rigwo̱m mak be wu. Ke yir ton yir ye sang yir tu ren yir baꞌ, wu tà ton'e gip ye sang wu ti ren yir gip baꞌ.

aLuka 9:26

Koangan afe a ta fok isum mi be rife̱ mi, Igon Anerawe ta fok isum wu nizen iya wu tana be̱ kaye̱e̱r kuyiik wu be kuyiik Ada wu ne kufe ámaleka azhe̱l'e.

aLuka 12:9

Amma aner aya ne a fe̱ nasho̱o̱n ánerawe ye wu ti ren baꞌ, a tà fe̱ anong be wu nasho̱o̱n ámaleka Adakunom gip.

1 aYohana 2:23

Akak kuse a tana rawu Igon Adakunom ne a te azining be Ada'me baꞌ. Aner aya a ta shan Igon'e, a shan Adakunom a ta nye Ada'me gip.

2 aBitrus 2:1

Kyo̱ndi áner kuzarap áfe abo̱o̱s tú ku se kaye̱e̱r ánerawe Adakunom'me gbugbang, anong ne áner kubo̱so̱p áfe abo̱o̱s ákak tà wuruk kaye̱e̱r yin. Á ta be̱s be kubo̱so̱p kukak kyo̱o̱n, á ta bo̱so̱p ánerawe abo̱o̱s ma á tù ku beseng ba ma ánerawe tà gaar Agwo̱m Ágwo̱m aya a tá ka shesh ba. Ku nye anong ta sak ba be rice ba ta kpa zizirik.

aMarkus 14:30

Amma aYeso fe̱ be wu ye, “Katsak ne mi ta ka tak, katuur natuk, nizham atso̱n ta ra te̱p kutak kufa, wan tin ton kutak kutaar.”

aMarkus 8:38

Koangan afe a ta fok isum mi be rife̱ mi, nizen iyu ife sang a ta be katsak baꞌ, be kunye rine̱n dide̱ng, Igon Anerawe ta fok isum wu nizen iya a tana be̱ kaye̱e̱r kuyiik Ada wu ne kufe ámaleka Azhe̱l'e.”

aMarkus 14:72

Kum atso̱n tá fa te̱p ife afa ne aBitrus yiring be rife̱ aYeso tá tsang afe be wu ye, “Atso̱n ta tsang a te̱p baꞌ, ne wan ni ton kutak kutaar,” ne a fo nanak.

aLuka 22:57

Amma aBitrus ton'e, a tá fe̱ ye, “Ago, ka mi tu ren baꞌ.”