Biblia Todo Logo
Bib sou entènèt

- Piblisite -




aMatiyu 10:3 - Izere New Testament

3 ne aFilibus be aBatalomi, ne aToma, be aMatiyu aya a tá shashang itso̱m iben, ne aYakub igon Alfiyus ne aTadiyus,

Gade chapit la Kopi




aMatiyu 10:3
30 Referans Kwoze  

Nizen iya ba tá no̱ na aUshalima, yong a wesek nutu katoon'e kuya ba tin sor kaye̱e̱r. Áner aya a tá no̱ nutu'me nye aBitrus be aYohana ne aYakub be Adarawus ne aFilibus ne aToma ne aBatalomi be aYakub a ta nye aro̱m Alfiyus be aSiman a tú ku yis ye aner a ta be rifup kaben wu, be aYahuda a tá nye aronyining aYakub.


Adarawus be aFilibus ne aBatalomi be aMatiyu, ne aToma, be aYakub igon Alfiyus, ne aTadiyus, be aSiman aner rifur kuwo̱p wu,


aYeso'me tá se be kutsang tseng yong a di aner akak a tú ku yis ye aLawi igon Alfiyus, nusonong naro̱ kushashang itso̱m iben. Ayong aYeso fe̱ be wu ye, “Ni kuus,” iyong aLawi'me dorok nong a tú ku kuus.


aYeso tá ya kasho̱o̱n be kutseng ne a di afe kushashang itso̱m iben akak a tú ku yis ye aMatiyu, a se nusonong naro̱ itomong wu. aYeso fe̱ be wu ye, “Ni kuus,” iyong a dorok nong a tú ku kuus.


aSiman Bitrus be aToma, a tú ku yis ye Kafe̱e̱s ne aNataniyel afe aKenan ni iben aGalili ne inoon aZabedi be álimazhiri akak ba afa se mak azong.


Ayong aToma, a tú ku yis ye, kafe̱e̱s, fe̱ be ribir álimazhiri'me ye, “I tseng yir gip nong ta se kus yir be wu.”


Mi, aZhud, asam aYeso Kiristi, aronyining aYakub, yin áya Adakunom aya a ta nye Ada ta ka shim yin, ne a ka yis yin, áya aYeso Kiristi ta ka fek yin.


aYakubu asam Adakunom ne afe Agwo̱m agwo̱m yir aYeso Kiristi, mi nye ánerawe irem kuso̱k be afa aya a ta te shaam kaye̱e̱r kazatse ashou.


aYakub be aBitrus ne aYohana áya a ta sor itsik'e ti shan be aBarnabas ibo̱k ifa nizen iya ba tá di ritek Adakunom tin no̱o̱k yir. Á shim ye yir ri tseng yir nufe áner aya a ta nye áner aYahuda baꞌ, nong ba ta tseng nufe áner aYahuda.


Mi di ribir ámanzo'me ákak baꞌ, sang ke aYakub aronyining Agwo̱m Ágwo̱m yir baꞌ.


Kayatson'e, aBulus be ribir yir tseng nufe aYakub, áko̱k kasho̱o̱n ikilisiya cice̱r se azong.


aBitrus ma nye be kubo̱k ye a ra te gbik, nong a tú ku taas ba kuri iren iya Agwo̱m Ágwo̱m tú ku tun nitso̱m'me. A fe̱ ye, “Tseng se tak yin aYakub be ribir áro̱ afikuus.” Ayong a dorok a tá tseng naro̱ kakak.


Nama anong, aYeso wuruk, a di aner akak afe a tá shashang itso̱m iben, á tú ku yis ye, aLawi nusonong naro̱ itomong wu yong aYeso fe̱ be wu ye, “Ni kuus.”


Nizen iya á tá gang kufe̱ kanu ne aYakub dorok a tá fe̱ ye, “Ároneng be ángasneng wesek yin kuto tin fok yin.


Ayong aYahuda (sang Iskariyot baꞌ) fe̱ ye, “Atekasa, akye̱ sak wan shim ta tonong rice wan nufe yir sang nufe kazatse baꞌ e̱?”


Ne aYeso fe̱ be wu ye, “aFilibus, wan ti ren aꞌa? Mi ta kun sor mak be yin izen dide̱ng na. Koangan a tin di, a di Ada'me. Akye̱ sak wan tá fe̱ ye, ‘Ni tonong yir Ada'me e̱?’


Kaye̱e̱r ba ákak nye aMarya aMagadaliya, be aMarya anyining aYakub be aYusufu, ne anyining inoon aZabedi.


Ke a gaar ku ka fok ba ne wan tak áfikuus; ke a bun a gaar rife̱ áfikuus'e gbak ne a ku sok kyo̱ndi afurin, aya a ta gaar kushishing kuse wu.


Ányining akak sor tsik ne a ye̱re̱k, kaye̱e̱r ba nye aMarya abafe aMagadaliya be aMarya anyining aYakub awusong'e be aYusufu ne aSalomi,


“Áner ákak ba afa tseng na agbang kutu kuya Adakunom iben nong á tà se nye aduwa, azining nye aner aFarisi ne áfe afa'me nye áfe kushashang itso̱m iben.


Aner aFarisi ame dorok nong a tá nye aduwa ye, ‘Adakunom, mi shim tá ka tonong riye̱ rikan'i, kamok sang mi se kyo̱ndi ribir ánerawe, á ta nye ákpatang, ka áfe amaan kunye baꞌ. Mi nye rikuna ne i se kyo̱ndi afe kushashang itso̱m iben na baꞌ.


“Amma afe ku shashang itso̱m iben ame nyeseng gugo̱k, a kyem a sok anyisi naza baꞌ, a korok ibo̱k nafok a tá fe̱ ye, ‘Adakunom, ro̱ riye̱ mi, mi nye afe rine̱n.’


Aner akak tuse azong riyerek wu tá nye aZaka. A nye agbang'e kaye̱e̱r áfe ku shashang itso̱m iben, ne a nye arum'e dide̱ng.


Ayong aNataniyel rip aYeso ye, “Wan nye ane̱ i tin ren e̱?” Ne aYeso ku shim'e ye, “Mi tá di kum nizen wan tá rusek ritin atafo, nizham aFilibus tá ra ka yis.”


Ayong aToma fe̱ be aYeso ye, “Atekasa, yir ren yir karo̱ kaya wan tù ku be baꞌ. To̱, yir tà nye yir ane̱ tà ren yir iren e̱?”


Swiv nou:

Piblisite


Piblisite