aMatiyu 10:28 - Izere New Testament

²⁸ Sang yin tu fok yin inyim áfe ku fe̱s ánerawe baꞌ, kamok á ta kyem a fe̱r kabik'e baꞌ. Fok yin inyim aner aya a tana kyem a te kabik be kuro̱m anerawe cei kaye̱e̱r kasa kuro̱ng ingya.

aMatiyu 10:28 Referans Kwoze

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

aYakub 4:12

Adakunom tsek ne a nye afe kuno̱o̱k itsi be kuto̱ amok. Wu ne a kyem a shesh ne a fe̱r. Amma wan nye angan tana to̱ aner agbak wan amok e̱?

1 aBitrus 3:14

Amma ko yin fa so̱ yin risam kamok kunye kutek, yin ta se̱ yin ritek Adakunom. Kamok anong, sang tu fok yin inyim áya a tana ka no̱o̱k yin risam baꞌ, sang tu te yin febek baꞌ.

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

Ibrani 10:31

I nye ike̱ng inyim dide̱ng anerawe tana kpa nubo̱k Adakunom afe kutser.

aMatiyu 10:26

“Kamok anong sang yin tu fok yin inyim ba baꞌ. Ike̱ng ikak kuse nuwhe̱e̱n a tana won dar a karak baꞌ, ka iya i ta se nune̱re̱ng a tana won dar a tun na akanang baꞌ.

Ibrani 11:35

Kuno̱o̱k katsak sak ányining ákak bun a se̱ áner ba á tan kus be kutser. Ákak so̱ risam makiyi, á shim nong á ta ka won ba baꞌ nong ase̱ á tà ka dorok ba be kutser ku tà nar kutek.

Itomong Ámanzo 21:13

Iyong aBulus fe̱ ye, “Akye̱ sak yin tos yin e̱? Yin tse̱r yin ikap'i ta te̱r a? Mi n no̱o̱k riye̱ mi sang kamok a tin rosom tsek baꞌ, ko a tin fe̱r na aUshalima kamok riyerek aYeso a ta nye Agwo̱m Ágwo̱m gip, to̱ tsek.”

aMatiyu 5:22

Amma mi fe̱ be yin kyo̱o̱rna'me ye, aner aya ne riye̱ wu beseng be aronyining wu, a tú ku to̱ amok. Koangan ne a fe̱ be aronyining wu ye a nye ‘Azizik'e’ a tà tseng be wu nasho̱o̱n áko̱k kasho̱o̱n. Koangan ne a yis afudang ye, ‘Afunam akak,’ a kyem ke a no̱ kaye̱e̱r kasa kuro̱ng.

aYohana 5:29

ne á wuruk, áya a tá nye kunye kutek tà dorok be kutser, ne áya a tá nye kunye kumaan'e ta dorok nong a tú ku to̱ ba amok.