aMatiyu 10:23 - Izere New Testament

²³ Ke á ta tabak yin nuwo̱p kukak, to̱, ne yin teng yin ta be yin kaye̱e̱r kuwo̱p kukak. Katsak'e ne mi ta ka tak yin, nizham yin tà ra gang yin kugorok iwo̱p Isarela cice̱r Igon Anerawe ta tsang ka be̱.

aMatiyu 10:23 Referans Kwoze

aMatiyu 16:28

Won ta ka tak yin katsak'e, ákak kaye̱e̱r yin aze ta tsang á kus baꞌ, ma á di Igon Anerawe ta saase kyo̱ndi Agwo̱m kaye̱e̱r kuyiik wu.”

Itomong Ámanzo 17:10

Kum karo̱ tá fa te katuk ne áfikuus te aBulus be aSila niren nong a tá be na aBiriya. Á tá fa se no̱ azong tsek ne á tseng nutu aduwa áner aYahuda.

Itomong Ámanzo 8:1

Ashawulu se azong, a kuus kama kufe̱r Itifanus. Katuk'ong, a tabak áfikuus dide̱ng kaye̱e̱r aUshalima, ma cice̱r á te shaam, ákak be niben aYahudiya ne ákak be niben aSamariya, ámanzo tsek ne á tú ku won

aMarkus 13:26

“Nizen iyong ne ánerawe tà di Igon Anerawe ta saase kaye̱e̱r ane̱n be kukyem dide̱ng ne kuyiik.

aLuka 21:27

Nizen iyong ne á tà di Igon Anerawe ta saase kaye̱e̱r ane̱n be kukyem ne kuyiik dide̱ng.

aLuka 18:8

Won ta ka tak yin, a tà di ma ba se̱ katsak ba ta shim zizirik. Ke Igon Anerawe be̱, a tà se̱ áfe kuno̱o̱k katsak nazatse a?”

aYohana 7:1

Nama anong, aYeso tsang a gorok aGalili. Amma shim a tá tseng kaye̱e̱r aYahudiya baꞌ, kamok áner aYahuda á tá se azong shim a tú ku fe̱r.

aMatiyu 26:64

aYeso fe̱ be wu ye, “Ei, i se kyo̱ndi wan tá fe̱'ong. Amma mi fe̱ be yin ye, nasho̱o̱n yin tà di yin Igon Anerawe nusonong nubo̱k riya Atek kukyem, ne i ku di yin a ta saase kaye̱e̱r ane̱n.”

aMatiyu 24:30

“Nizen iyong ne yin tà di yin kube̱ Igon Anerawe naza, ánerawe kazatse cice̱r tà korok ibo̱k nuto̱. Á ta di Igon Anerawe ta saase kaye̱e̱r ane̱n be kukyem ne kuyiik dide̱ng.

Itomong Ámanzo 17:14

Gbashak áfikuus ákak wor a dorok be aBulus'e á ta se ku sak nukim agbang kudung, amma aSila be aTimoti tú ku fan na aBiriya'me.

aMatiyu 25:13

“Kamok anong, yin sor yin be kanye̱k, kamok yin ren yin kunom'e ka izen'e baꞌ.”

aMatiyu 24:48

Amma ke asam'me nye amaan'e, a tà to̱ riye̱ wu ye, ‘Atekasa mi tà sor izen dide̱ng nizham a ta ra be̱.’

aMatiyu 24:27

Kyo̱ndi akanang ta samang nabas kunom tu ku wuruk ma nabas rikpa kunom, anong ne kube̱ Igon Anerawe ta se.

aMatiyu 23:34

Kamok anong, mi sen ka tom yin be áner kuzarap ne áner áfe kukyem be áner á tana ka bo̱so̱p yin'e. Yin tà fe̱s yin ákak ba ne i tigak yin ákak. Yin tà whereng yin ákak ba kaye̱e̱r atu aduwa ne i ku ro yin ba ma ni iwo̱p ze̱r ze̱r.

aMatiyu 4:12

Nizen aYeso tá fok ye an te aYohana ni itso̱m, iyong a tú ku bun ni iben aGalili.

aMatiyu 2:13

Nama átsen ame tú ku bun, amaleka Adakunom be̱ nufe aYusufu kaye̱e̱r nabos, a tá fe̱ be wu ye, “Dorok, sok igon'e be anyining'e nong tá teng tá be yin ni iben aMasar. Sor yin azong ma izen iya ne mi fe̱ be wan, kamok aHiridus tá tse̱r igon'e nong a tá fe̱r.”

Itomong Ámanzo 20:1

Nizen iya kuren'e tá gang, ne aBulus yis áfikuus. Nama a tú ku tsesek ba ne a ku nye ba atato̱ a tá dorok a tseng na aMakidoniya.

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

aMatiyu 23:36

Katsak'e ne mi ta ka tak yin, cice̱r ike̱re̱ na ta se̱ áner izam na.

aMatiyu 24:34

Katsak'e ne mi ta ka tak yin, ánerawe izam na ta kus baꞌ, ma a nye ike̱re̱ na cei nizham.