aMatiyu 10:20 - Izere New Testament

²⁰ Kamok sang yin ne i fe̱ yin kanu baꞌ, Kabik Ada yin ne a fe̱ kaye̱e̱r yin.

aMatiyu 10:20 Referans Kwoze

Itomong Ámanzo 6:10

Amma Kabik Adakunom no̱o̱k Itifanus kukyem kuri kukak kuya a tin fe̱ kanu be ba, akak ba kyem a ya nanan be wu baꞌ.

aLuka 21:15

Kamok mi tà ka no̱o̱k yin ike̱ng iya yin tana fe̱ yin be kukyem kuya sang ámudo̱n yin tana kyem á ya kanu be yin baꞌ.

aLuka 12:12

kamok Kabik Kazhe̱l'e tà ka tak yin ike̱ng iya yin tana fe̱ yin nizen iyong.”

2 aBitrus 1:21

Kamok kuzarap nye ike̱ng iya i ta ne kaye̱e̱r riye̱ anerawe tsek baꞌ, amma Kabik Adakunom kaya ka tá no̱o̱k kaye̱e̱r aye̱ ba ne ka sak ánerawe tá fe̱ ike̱re̱ iya ba tá shan nufe Adakunom.

Itomong Ámanzo 4:8

To̱, aBitrus a tan shining be Kabik Kazhe̱l'e fe̱ be ba ye, “Áko̱k kasho̱o̱n ne ásho̱n yir,

Itomong Ámanzo 2:4

A tú shining ba cice̱r be Kabik Kazhe̱l'e ne á kpaan kufe̱ kanu ni írem ze̱r ze̱r kyo̱ndi Kabik Kazhe̱l'e tá ka no̱o̱k ba kukyem kufe̱'me.

2 aKoranti 13:3

Kum yin ta sen tse̱r yin ike̱ng iya i ta tonong ye aKiristi fe̱ kanu be mi. Wu yo̱mo̱ng baꞌ, amma a be agap a tana nye koakye ike̱ng be yin.

1 aBitrus 1:12

Adakunom tú ku tak ba ye sang ba nye itomong rice ba baꞌ, amma á tá nye yin'e nizen ba tá nye kuzarap'ong cice̱r. Kyo̱o̱rna áya a tá ka taas yin Rife̱ Ritek na, á tá ka taas yin kyo̱ndi Kabik Kazhe̱l'e kaya Adakunom tá tom'e kaye̱e̱r kaza ta ka tees ba. Ámaleka gip á shim kuren ike̱re̱ na dide̱ng.

Itomong Ámanzo 28:25

Kamok anong nanan ti no̱ kaye̱e̱r ba yong á san ku naka kaas nama aBulus ta fe̱ rife̱ be ba ye, “Aser, Kabik Kazhe̱l'e fe̱ katsak be átukop yin, a tá fe̱ be Ishaya aner kuzarap ye,

Itomong Ámanzo 13:9

Amma Ashawulu (aya a ta bun a tú ku yis ye aBulus) a tá mu ku shining be Kabik Kazhe̱l'e, a ti sak anyisi ni wu a tá fe̱ ye,

aLuka 11:13

Ke yin, i ta nye yin amaan'e ren i nyesek yin inoon yin ike̱re̱ itek, shita Ada afe ta se naza ta won dar a no̱o̱k aya a tu ku rip Kabik Kazhe̱l'e e̱?”

aMarkus 12:36

Kabik Kazhe̱l'e ne ka sak aDauda ta fe̱ ye, “ ‘Agwo̱m Ágwo̱m fe̱ be Agwo̱m Ágwo̱m mi ye, “Sonong nubo̱k riya mi, ma mi sak ámudo̱n wan ta kpa kaben.” ’

aMatiyu 6:32

Kamok áfurin gip, á atse̱r ike̱re̱ kuri iyong. Ada yin afe a ta se kaye̱e̱r kaza ren ye yin tse̱r yin ike̱re̱ iyong.

1 aTasalonika 2:13

Kamok anong ne yir tonong yir riye̱ rikan yir be Adakunom koakye izen, kamok nizen yin tá shan yin rife̱ Adakunom riya yin tá fok yin nufe yir, sang yin sok yin kyo̱ndi ri nye rife̱ anerawe tsek baꞌ, amma yin shan yin be katsak kamok rife̱'me ta nye rife̱ katsak. Rife̱'me sen nye itomong kaye̱e̱r yin áya i tin no̱o̱k yin katsak.