aMatiyu 10:2 - Izere New Testament

² Áyu ne á nye ayerek ámanzo kuso̱k be afa'me. Afe ime̱se̱ng'e nye, aSiman aya a tú ku yis ye aBitrus ne aronyining wu Adarawus, ne aYakub igon aZabedi be aronyining wu aYohana,

aMatiyu 10:2 Referans Kwoze

Itomong Ámanzo 1:13

Nizen iya ba tá no̱ na aUshalima, yong a wesek nutu katoon'e kuya ba tin sor kaye̱e̱r. Áner aya a tá no̱ nutu'me nye aBitrus be aYohana ne aYakub be Adarawus ne aFilibus ne aToma ne aBatalomi be aYakub a ta nye aro̱m Alfiyus be aSiman a tú ku yis ye aner a ta be rifup kaben wu, be aYahuda a tá nye aronyining aYakub.

aMatiyu 4:21

aYeso tá fa ya kasho̱o̱n be kutseng ne a di aner be aronyining, aYakub igon aZabedi ne aronyining wu aYohana. Á se kaye̱e̱r kukpara ashi be ada ba aZabedi'me, á ta se be kunye kanye̱k agunung ba, ne aYeso ku yis ba,

aYohana 12:22

aFilibus'me tseng a se tak Adarawus ne ba fa'ong se tak aYeso.

aYohana 6:8

Amma azining kaye̱e̱r álimazhiri wu'ame, aya a tú ku yis ye, Adarawus aronyining aBitrus fe̱ ye,

aLuka 5:10

anong ne aYakub be aYohana inoon aZabedi, áferime̱ itomong aBitrus'me. Ayong aYeso fe̱ be aSiman ye, “Sang tu fok inyim baꞌ, kyo̱o̱rna wan tà ma yising ánerawe makong kyo̱ndi wan ta yising izos.”

aMatiyu 4:18

Nizen aYeso tá se be kutseng nukim Kudung aGalili, iyong a di aner be aronyining, aSiman a tú ku yis ye aBitrus ne aronyining wu Adarawus. Á sen te agunung ba kaye̱e̱r kudung, kamok ba nye áfe kuyising izos.

aLuka 11:49

Kamok anong, Adakunom fe̱ kaye̱e̱r kukyem wu ye, ‘Mi tà tom áner kuzarap ne ámanzo, á tà fe̱s ákak ne á tabak ákak ba.’

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

2 aYohana 1:1

Mi, ako̱k kasho̱o̱n ikilisiya, angasneng be inoon wan Adakunom tá ka kasa nong tu ku kuus. Mi ta shim yin be riye̱ rizining. Mi tsek ne i ta shim yin baꞌ, cice̱r áya a ta ren katsak natoon Adakunom ta shim yin.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

1 aBitrus 1:1

Mi, aBitrus, amanzo aYeso aKiristi yin áya i ta se yin kyo̱ndi átsen kaye̱e̱r kazatse, áya a ta ka kasa yin i ta te yin shaam koakye niben aPontus be aGalati ne aKapadokiya be Asiya ne niben aBitiniya.

Ibrani 3:1

Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.

Afisa 4:11

Wu ne a no̱o̱k ákak kunang ku te ámanzo ne ákak te áner kuzarap ne ákak sor áfe kutaas Rife̱ Ritek ne ákak te áner á tanin sak riye̱ na ánerawe be áner kubo̱so̱p ánerawe'me.

1 aKoranti 15:7

A bun a ti wuruk na aYakub ne na ámanzo cice̱r.

Itomong Ámanzo 12:2

aHiridus'e sak a tá fe̱r aYakub aronyining aYohana be kuwe̱n kutsor.

Itomong Ámanzo 3:1

Katuk kakak aBitrus be aYohana tseng a be naro̱ kuya Adakunom iben, nizen aduwa nitso̱m itaar ife kunom.

Itomong Ámanzo 1:26

Áyong á barak ikiriwhe̱r kaben ne ikiriwhe̱r'e kirik i tikpa na aMatiyas, ne wu ma te aner afe kuso̱k be afa kaye̱e̱r ámanzo kuso̱k be azining ame.

aYohana 21:24

Ayu ne a nye alimazhiri'me aya a ta sen fe̱ itak natoon ike̱re̱ na, ne a bun a te ni izibir. Yir ren yir ye rife̱ wu nye katsak.

aYohana 21:20

aBitrus kirik ne a di alimazhiri aya aYeso tá shim dide̱ng ame tá sen ku kuus ba. (Wu ne a nye alimazhiri aya a tin fereng na aYeso nizen iya ba tá sen ya naya aPasova ame. Wu ne a rip aYeso ye, “Atekasa, angan ne a tà ka sok a tà no̱o̱k e̱?”)

aYohana 21:2

aSiman Bitrus be aToma, a tú ku yis ye Kafe̱e̱s ne aNataniyel afe aKenan ni iben aGalili ne inoon aZabedi be álimazhiri akak ba afa se mak azong.

aYohana 20:2

Ayong a tú bun be itsi nong a ta be nufe aSiman Bitrus ne alimazhiri aya aYeso tá shim, nong a tá fe̱ be ba ye, “A n sok kukom aYeso Agwo̱m Ágwo̱m yir kaye̱e̱r kure̱k, yir ren yir karo̱ a tú ku sak baꞌ.”

aYohana 13:23

Azining kaye̱e̱r álimazhiri'me afe aYeso'ma tá shim, a tá se nusonong bubarak be aYeso'me.

aLuka 22:14

Izen'e tá fa nye, yong aYeso be ámanzo wu ame sosok nong á tá ya naya.

aLuka 22:8

aYeso tom aBitrus be aYohana, ne a fe̱ be ba ye, “Tseng yin ta se nye yin kanye̱k nong tà ya yir aPasova.”

aLuka 9:10

Nizen ámanzo ame tú ku bun, á tak aYeso ike̱re̱ ba tá nye cei. Ayong a naka ko̱ro̱k ba a tá tseng mak be ba nuwo̱p a ta yis ye aBatseda.

aMarkus 13:3

Nizen iya aYeso ta se nusonong natoon Kawhanang kata be nafar bubarak be agbang kutu kuya Adakunom iben yong aBitrus be aYakub ne aYohana ne Adarawus, tú ku rip kyo̱o̱n ye,

aMarkus 1:29

Be kuwuruk ba kaye̱e̱r kutu aduwa, á no̱ nasa aBitrus be Adarawus mak be aYakub ne aYohana.

aMatiyu 26:37

Ne a sok aBitrus be inoon aZabedi nafa mak be wu. Ne a san kudaam kaye̱e̱r riye̱ wu ne a nye riye̱ riwe.

aMatiyu 20:20

Ayong ango̱ inoon aZabedi be̱ nufe aYeso ame be inoon wu ne a tigbok akuur kaben a tú ku rip ike̱ng ikak.

aMatiyu 17:1

Nama inom igataar aYeso sok aBitrus, be aYakub, ne aYohana a tà nye aronyining aYakub, nong a tá tseng be ba natoon kawhanang kakak ka ta se garang dide̱ng.

Ike̱ng a ta tonong aYohana 22:8

Mi aYohana, mi fok ne i dis ike̱re̱ na. Mi tá fa gang ku foos ne ku ye̱re̱k'e cei ne mi kpa natak amaleka ame nong tú ku ya iben, wu aya a tin tosong ike̱re̱'me.

Ike̱ng a ta tonong aYohana 1:1

Kufumung na se natoon ike̱re̱ iya Adakunom tá no̱o̱k aYeso Kiristi nong a ta tonong ásam wu ike̱re̱ i tan be̱ barak a tana nye dim. aYeso tom amaleka wu nufe asam wu aYohana nong a ta se tak kutom'e.

3 aYohana 1:1

Mi, ako̱k kasho̱o̱n ikilisiya, wan aGayus, i ta nye aferime̱ mi. Mi ta shim dide̱ng.

Ike̱ng a ta tonong aYohana 18:20

Nye yin riye̱ rikan, yin áfe i ta se yin kaye̱e̱r kaza! Nye yin riye̱ rikan ázhe̱l'e be ámanzo ne áfe kuzarap, kamok Adakunom n to̱ aBabila amok natoon ike̱re̱ iya wu tá ka nye yin'e.’ ”

aMarkus 6:30

Ámanzo aYeso ame tú ku gorok nong á tú ku taas ike̱re̱ iya ba tá nye ne iya ba tá bo̱so̱p cice̱r.

aYohana 6:67

Ne aYeso rip álimazhiri wu kuso̱k be afa'me ye, “Yin tà tseng yin gip a?”

aYohana 6:70

Iyong aYeso tú shim'e ye, “Mi ne i tá kasa yin kuso̱k be afa aꞌa? Gip be anong azining kaye̱e̱r yin nye Ishetan.”

aYohana 6:71

(aYeso ti fe̱ na aYahuza, igon aSiman Iskariyot, aya a ta se kaye̱e̱r kuso̱k be afa'me, wu ne a tu ku re̱p.)