aMatiyu 10:18 - Izere New Testament

¹⁸ Kamok mi, á tà tseng be yin nasho̱o̱n ágwomna ne ágwo̱m kamok yin tu ku tak yin ba Rife̱ Ritek ne áya sang a ta nye aner aYahuda baꞌ.

aMatiyu 10:18 Referans Kwoze

aMarkus 13:9

“Sak yin riye̱ be rice yin, á tà ka yising yin ne á tsees be yin ninaro̱ amok ne á ka tsosok yin natu aduwa. A ta tseng be yin nufe ágwomna ne ágwo̱m, kamok mi nong ta se̱ yin iren tú ku taas yin ba Rife̱ Ritek natoon'i.

aMatiyu 8:4

Ayong aYeso fe̱ be wu ye, “Di, sang tú tak akak baꞌ. Amma tseng se tonong rice wan nufe atsi ne i nye asidaka kuri aya aMusa tá fe̱, nong á tà ren ye wan n te atser.”

Ike̱ng a ta tonong aYohana 11:7

Nama á tá gang i taas kutom'e, ikewum ikak iya i ta wuruk kaye̱e̱r ribong riya ri ta be igak baꞌ ame, tikpa ni ba ma i nar agap ba, iyong i tá ka fe̱s ba.

Ike̱ng a ta tonong aYohana 6:9

Nizen iya Aturuk'e ta bisik kudun'e kufe atoon ne mi di nabik ánerawe áfe a tá ka fe̱s ba kamok a tá kuus rife̱ Adakunom be kuno̱o̱k katsak ba, nabik'e se kaben naro̱ a tú ku nye asidaka.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

2 aTimoti 1:8

Kamok anong sang tú fok isum kufe̱ itak natoon Agwo̱m Ágwo̱m yir baꞌ, ka isum'i kamok a tin te nitso̱m kamok wu baꞌ. Amma gung rice be mi kaye̱e̱r risam'me kamok Rife̱ Ritek'e ne i ni fereng nukyem Adakunom.

aMatiyu 10:17

“Sak yin riye̱ be ánerawe, kamok á ta tseng be yin naro̱ amok ne á ka whereng yin kaye̱e̱r atu aduwa ba.

aMatiyu 10:19

Ke á ta yising yin, sang yin tu daam yin be ike̱ng ife yin tana fe̱ yin ka ane̱ ne yin tà fe̱ yin baꞌ. Nizen iyong a tà ka no̱o̱k yin ike̱ng ife yin tana fe̱ yin.