aMatiyu 1:21 - Izere New Testament

²¹ A tà tes igon, wan tù ku te riyerek ye aYeso, kamok wu ne a tà shesh ánerawe kaye̱e̱r rine̱n ba.”

aMatiyu 1:21 Referans Kwoze

Itomong Ámanzo 13:23

“Kaye̱e̱r kuri aDauda ne Adakunom tun aYeso a tá nye aner kashesh Isarela kyo̱ndi wu ta tsang a fe̱.

Itomong Ámanzo 4:12

“A se̱ kashesh nufe akak ze̱e̱r baꞌ, kamok riyerek rikak kuse ze̱e̱r a tá no̱o̱k anerawe natoon kaza nong a tin se̱ kashesh baꞌ.”

aYohana 1:29

Katuk afe afa aYohana di aYeso saase nufu, yong a fe̱ ye, “Di yin, Aturuk Adakunom, aya a tan n sok rine̱n kazatse!

1 aYohana 3:5

Amma yin ren yin ye ike̱ng i tá sak aYeso tá be̱ nye, nong a ta sok rine̱n yir. A nye rine̱n baꞌ.

aLuka 2:21

Nama inom ikara be kutes'e, izen a tana ku nye izhak tá fa nye, yong a tú ku te riyerek ye, aYeso, riyerek riya amaleka tá tsang a ku te'me kum ne an be kafa wu baꞌ.

Itomong Ámanzo 5:31

Adakunom tu no̱o̱k kuyiik a tu ku sak nubo̱k riya wu nong a ta sor áko̱k kasho̱o̱n ne a sor aner kashesh nong a ta sak áner Isarela ta shishing kuse ba ne a ka re̱ng ba rine̱n ba.

aLuka 1:31

Wan tà shan kafa, tà tes igon kamitek'e, a tù ku te riyerek ye, aYeso.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

aLuka 2:11

Katuur a ma ka tes yin aner kashesh nuwo̱p aDauda, wu ne a nye aKiristi, aya a ta nye Agwo̱m Ágwo̱m.

1 aYohana 1:7

Amma ke yir tseng yir na akanang kyo̱ndi Adakunom ta nye akanang, ne i gung yir rice be koangan afikuus, ne naso̱k Igon wu aYeso ni kusu yir rine̱n yir nong tà te yir zhe̱l.

Itomong Ámanzo 3:26

Nizen iya Adakunom tá kasa asam wu, a tú ku tom nufe yin ni ime̱se̱ng'e nong a tá ka te yin ritek ne a sak koangan kaye̱e̱r yin ta shishing kuse nong a tá won amaan kunye wu.”

Ike̱ng a ta tonong aYohana 7:14

Iyong mi fe̱ be wu ye, “Atekasa, wan ren.” Ayong a fe̱ ye, “Áner na ne á nye áner aya a tá wuruk na amaan risam án kusu ares ba be naso̱k Aturuk'e á ta te akan pes.”

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

aLuka 1:13

Amaleka'me fe̱ be wu ye, “Sang tu fok inyim baꞌ, aZakariya, an fok aduwa wan. Abining wan Alisabatu tà ka tes igon, wan tú ku te riyerek ye aYohana.

aMatiyu 1:25

Amma aYusufu tsang a ku ren kyo̱ndi aner abining baꞌ, ma nama a tá tes igon'e, a tú ku yis ye aYeso.

aYohana 4:42

Iyong ba fe̱ be abining ame ye, “Yir ti no̱o̱k yir katsak, kyo̱o̱rna sang kamok ike̱ng wan tá fe̱ tsek baꞌ, amma yir tu ku fok yir be rice yir, ye aner na nye aner kashesh kazatse be katsak.”