aMatiyu 1:2 - Izere New Testament

² Ibrahim ne a nye atek Ishaku ne Ishaku tes aYakub. aYakub ne a nye atek aYahuda be ribir áronyining wu.

aMatiyu 1:2 Referans Kwoze

Itomong Ámanzo 7:8

Adakunom no̱o̱k Ibrahim kushu kunye izhak nong a tin yiring be ike̱ng iya ba tin sak. Kamok anong, nizen iya Ibrahim tá tes Ishaku a tú nye izhak nunom kufe ikara be kutes wu. A fa sor whe̱ ne Ishaku tes aYakub, aYakub ne a tes átukop yir ba áner kuso̱k be afa.

Ike̱ng a ta tonong aYohana 7:5

Áner izo̱ro̱k aYahuda se 12,000. Ne áfe izo̱ro̱k aRuben se 12,000. Áfe izo̱ro̱k aGad se 12,000.

Ibrani 11:11

Natoon kuno̱o̱k katsak ne Ibrahim ti se̱ igon be rikop wu gip, be aSaratu a tá kun tes baꞌ. A ti no̱o̱k katsak ye Adakunom aya a tá tsang a fe̱ ye a tú ku no̱o̱k, a tu ku no̱o̱k igon.

Ibrani 7:14

Katsak'e nye aYeso Agwo̱m Ágwo̱m yir wuruk kaye̱e̱r kuri aYahuda kuya sang aMusa ta kun nife̱ ike̱ng ikak natoon ba ni itomong ritsi baꞌ.

aMatiyu 1:1

Izibir natoon izo̱ro̱k iya aYeso Kiristi Igon aDauda tú ku wuruk, kaye̱e̱r kasa Ibrahim.

aMatiyu 1:3

aYahuda ne a tes aPeres be aZera, anyining ba tá nye aTamar. Ne aPeres ne a nye atek aHeruna, ne aHeruna tes Aram.