aMarkus 9:50 - Izere New Testament

⁵⁰ “Ito̱k nye ike̱ng itek, amma ke kurereng ito̱k'e gang, wan ta nye ane̱ nong i tà bun i rereng e̱? Sor yin kyo̱ndi ito̱k naye̱ yin, ne i sor yin caang be koangan.”

aMarkus 9:50 Referans Kwoze

aKolosi 4:6

Won rife̱ yin tu sas kufok nong ase̱ yin ta ren yin kuri iren iya yin tana fe̱ yin be koangan aya a tana ka nye yin kurip.

aRom 12:18

Nye yin ike̱ng iya yin tana kyem i nye, ke ta kyem yin, to̱, ne i sor yin caang be koangan.

aMatiyu 5:13

“Yin ne i nye yin ito̱k kazatse. Ke ito̱k kam be kurereng wu, a ta nye ne ane̱ nong i ta bun i rereng e̱? A ta bin nye ike̱ng ikak baꞌ, ma ke a ta nyosong, ne ánerawe she̱sh.

Ibrani 12:14

Nye yin koakye ike̱ng yin tana kyem a nye yin nong ta sor yin caang be ánerawe cice̱r ne i sor yin zhe̱l kamok aner akak ta kyem a di Agwo̱m Ágwo̱m baꞌ, sang ke a se zhe̱l baꞌ.

2 aKoranti 13:11

Ni igang'e, ároneng, ma yin katuk kakak. Naka tsesek yin nong ta shining, fok yin izong'i, sor yin be riye̱ rizining, sor yin caang. Be anong ne kushim Adakunom ne kameneng riye̱ ta se mak be yin.

aFilipi 1:27

Koakye ne i nye, sor yin kusor ku ta taas kufe áner a tanin no̱o̱k katsak Rife̱ Ritek aKiristi. Mi ta be̱ ta ka di yin, ka ta fok itak yin tsek, nong mi ta ren ye yin n gung yin rice be kuto̱ro̱ng kuzining.

1 aTasalonika 5:13

Ku sok yin ba yiik dide̱ng kamok itomong ba. Sor yin caang be koangan.

Afisa 4:29

Sang akpe̱de̱ng rife̱ tu wuruk kaye̱e̱r kanu yin baꞌ, amma fe̱ yin rife̱ ritek riya ri tana no̱o̱k ákak kuya kasho̱o̱n natoon ike̱ng ba ta sen tse̱r'e nong áfe a ta ka foos'e ta se̱ kutobok.

1 aBitrus 3:8

Ni igang'e, won yin cice̱r kuto̱ro̱ng yin tu se kuzining. Be yin kuro̱ riye̱ ne i naka shim yin kyo̱ndi aner be aronyining, ne i se yin gye̱r ne i mees yin rice yin.

aYakub 1:20

Kamok kubeseng riye̱ be̱e̱n kusor kujel'e Adakunom ta shim baꞌ.

2 aTimoti 2:22

Kam be kushim amaan ike̱re̱ kuri ife ricam ne i ni te rice ni itse̱r kusor kuzhe̱l'e, ne kuno̱o̱k katsak be kushim ne kusor caang, mak be áfikuus áfudang wan á ta yis kaye̱e̱r riyerek Adakunom be riye̱ zhe̱l.

aKolosi 3:12

Kamok anong, kyo̱ndi ánerawe áya Adakunom tá kasa, ázhe̱l'e ne áfe riye̱ wu, naka kis yin be kuro̱ riye̱ ne kuse kutek be ku mees rice ne kuse tatan ne ku naka tsesek.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

aMarkus 9:34

Amma ba te gbik kamok ba sen ya nanan niren ye, angan ne a nye ayiik ne a nar e̱?

aMarkus 9:49

“A ta gor be koangan kaye̱e̱r kuro̱ng nong a ta te zhe̱l.