aMarkus 9:5 - Izere New Testament

⁵ Ne aBitrus fe̱ be aYeso ye, “Aner kubo̱so̱p, i se gye̱r i ta se yir aze. Won yir ta nye yir abur ataar. Kuzining nye kufuan, ne kuzining nye kufe aMusa, kuzining kufe Iliya.”

aMarkus 9:5 Referans Kwoze

aFilipi 1:23

I ti ro̱ ta kasa izining kaye̱e̱r'e, amma kushim mi nye ke i ku nong tà sor be aKiristi, iyong ti nar dide̱ng.

aMatiyu 23:7

Á shim ánerawe tú ku nye ba ashou kyo̱ndi ágbang aner ni naro̱ rizhik ne a ku yis ba ye, ‘Áner kubo̱so̱p.’

1 aYohana 3:2

Aro̱, kyo̱o̱rna yir nye yir inoon Adakunom. Yir ren yir ike̱ng yir tana te yir nasho̱o̱n baꞌ. Amma yir ren yir ye izen iya aYeso tana bun a be̱, yir tà te yir kyo̱ndi wu ne i di yir kuse wu.

aMatiyu 17:4

Ayong aBitrus fe̱ be aYeso ye, “Atekasa, i se gye̱r yir ta se yir aze. Ke wan shim, mi tà nye abur ataar aze, kuzining tà nye kufuan ne kuzining nye kufe aMusa ne kuzining nye kufe Iliya.”

aMatiyu 23:8

“Amma yin, sang a ta ka yis yin ye, ‘Áner kubo̱so̱p’ baꞌ, kamok aner kubo̱so̱p yin se azining tsek. Yin nye yin áner be áronyining.

aMarkus 9:4

Iyong Iliya be aMusa ti wuruk nasho̱o̱n ba azong, a ta se be fe̱ kanu be aYeso.

aMarkus 9:6

A ren ike̱ng iya a tana fe̱ baꞌ, inyim tú ro̱ ba dide̱ng.

aLuka 9:33

Nizen áner ame tá se be i kam be aYeso, yong aBitrus fe̱ be aYeso ye, “Atekasa, i se gye̱r yir ta se yir aze, i nye yir abur ataar, kuzining tà nye kufuan, ne kuzining nye kufe aMusa, ne kuzining nye kufe Iliya.” A ren ike̱ng iya wu ta fe̱ baꞌ.

aYohana 4:31

Natoon anong álimazhiri aYeso tu nye akusuk ye, “Aner kubo̱so̱p, ya naya.”